Mýsın «TikTok-tyń» qazaq tilindegi nusqasy týraly: Ana tilimizdiń álemdik deńgeıde suranysqa ıe ekenin kórsetti

ASTANA. QazAqparat - «TikTok» kompanııasy áleýmettik jelidegi qosymshasynyń qazaq tiline aýdarylǵany týraly aqparatty jarııalady. Bul shynynda da qýanyshty jańalyq.

Bul týraly óziniń Facebook paraqshasynda QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın jazdy, dep habarlaıdy QazAqparat.

Qazirgi ýaqytta elimizde qazaq tildi qoldanýshylar sanynyń ósip kele jatqanyn kórip otyrmyz. Tanymal qosymshanyń memlekettik tilge kóshýi qoldanýshylar úshin yńǵaıly bolyp qana qoımaı, ana tilimizdiń álemdik deńgeıde suranysqa ıe ekenin moıyndatyp otyr.

Ótken jyly Digital Bridge forýmy aıasynda «TikTok» kompanııasynyń basshylyǵymen kezdesip, ekijaqty yntymaqtastyq máselesin talqylaǵan bolatynbyz. Osynyń negizinde Astana Hub pen TikTok arasynda arnaıy Memorandým bekitilip, onyń nátıjesinde qazaqstandyq startaptar úshin eksklıýzıvti bilim berý baǵdarlamasy — TikTok StartUp Academy jobasy iske qosyldy.

«Joba aıasynda qazaqstandyq startaptar úshin oqytý kýrstary ótkizilip jatyr»,-dedi mınıstr.

Osyǵan deıin Tik Tok qosymshasyna qazaq tili qosylǵanyn jazdyq.