Mýsın óziniń Bas prokýratýradaǵy taǵaıyndaýyna qatysty pikir bildirdi

ASTANA. QazAqparat - «Qazposhta» AQ-nyń burynǵy basshysy Baǵdat Mýsın óziniń QR Bas prokýratýrasy Quqyqtyq statıstıka jáne arnaýly esep komıtetiniń tóraǵasy qyzmetine taǵaıyndalýyna oraı pikir bildirdi, dep habarlaıdy QazAqparat.

«Senimi úshin Memleket basshysynyń alǵysymdy bildirgim keledi. Sonymen qatar Bas prokýrorǵa osynaý joǵary pozıtsııaǵa meniń kandıdatýramdy usyný jaýapkershiligin alǵany úshin de rızamyn. Barlyq jaýapkershikti túsinemin jáne men úshin jańa qurylymǵa barynsha paıdamdy tıgizýge tyrysamyn. Elimizdiń qadaǵalaýshy organynyń komıtet aldyna qoıǵan mindetteri zor jáne bul mindetter kúrdeli sheshimderdiń negizi de. Ózińniń barlyq kúsh-qýatyńdy jumsaýǵa daıyn qyzyqty da, shabyttandyratyn jobalardyń bolýynyń ózi baqyt emes pe? Kóp kúsh jumsaǵan kompanııany da tastap ketý az da bolsa ókinishti. Biraq bul sanaly túrdegi qadam», - dep jazdy Baǵdat Mýsın Feısbýktegi paraqshasyna.

Sonymen qatar ol Qazposhtaǵy áriptesterinen de kóptegen tálim-tárbıe alǵandyǵyn atap ótken.

«Kesheden beri áleýmettik jelide kóptegen pikir oqýdamyn jáne bul rette kompanııadaǵy oń ózgeristerdiń bir adamnyń ǵana qyzmeti emestigin atap ótkim keledi. HQKO-larda da, Qazposhtada da kásibı mamandardyń úlken komandasy jumys istedi. Olarmen birge eńbektený baqyty maǵan da buıyrdy. Men olardyń alǵa qoıǵan maqsattarǵa qol jetkizýdegi shydamdylyqtary, túsinistikteri úshin shynaıy rızashylyǵymdy bildiremin», - dep atap ótti ol.

Aıta keteıik, 25 qańtarda Memleket basshysynyń Ókimimen Baǵdat Batyrbekuly Mýsın Qazaqstan Respýblıkasy Bas prokýratýrasynyń Quqyqtyq statıstıka jáne arnaýly esepke alý komıtetiniń tóraǵasy qyzmetine taǵaıyndaldy.