Mýsın Qarqaraly aýdany ákimi qyzmetine taǵaıyndaldy
ASTANA. KAZINFORM – QR Prezıdenti Ákimshiliginiń kelisimimen jáne aýdandyq máslıhat depýtattarynyń qoldaýymen Qarqaraly aýdanynyń ákimi bolyp Saıat Mýsın taǵaıyndaldy, dep habarlaıdy Qaraǵandy oblysynyń ákimdigi.
Jańa ákimdi aýdan aktıvine oblys ákimi Ermaǵanbet Bólekpaev tanystyrdy. Óńir basshysy Saıat Mýsınniń kásibı biliktiligi men basqarýshylyq tájirıbesin atap ótip, aýdan basshysy retinde birqatar mindet júktedi.
– Búginde aýdanda aýqymdy jobalar júzege asyrylyp jatyr. Týrıstik ınfraqurylymdy damytý baǵytynda júıeli jumystar júrgizilýde. Qarqaralynyń týrıstik áleýetin arttyrýdyń mańyzy zor. Sondyqtan bastalǵan jobalardyń sabaqtastyǵyn saqtap, olardyń sapaly ári ýaqytyly oryndalýyn qamtamasyz etý qajet, – dedi Ermaǵanbet Bólekpaev.
Oblys ákimi jańa basshynyń aýdan aktıvimen birlese otyryp, óńirdiń damýyna úles qosatynyna senim bildirip, qyzmetine sáttilik tiledi.
Saıat Mýsın memlekettik qyzmette 2015 jyldan beri eńbek etip keledi.
Ol eńbek jolynda veterınarııa salasynda túrli laýazymdardy atqarǵan. Atap aıtqanda, AÓK memlekettik ınspektsııasynyń bas mamany – veterınar dárigeri, Abaı veterınarııalyq stantsııasy dırektorynyń mindetin atqarýshy, Qaraǵandy oblysy veterınarııa basqarmasy basshysynyń orynbasary qyzmetterinde boldy.
Qarqaraly aýdanynyń ákimi bolyp taǵaıyndalǵanǵa deıin aýdan ákiminiń orynbasary qyzmetin atqardy.
Aıta keteıik, Qyzylorda oblysynda Jańaqorǵan aýdanynyń ákimi taǵaıyndaldy.
