Mýsharrafqa qatysty sot protsesi: aıyptalýshylar tizimi kóbeıip keledi
ASTANA. QazAqparat - Memleketke opasyzdyq jasady dep aıyptalýshy Pákistannyń burynǵy prezıdenti general Pervez Mýsharraftyń isi boıynsha arnaıy sot aıyptalýshynyń «tek men jalǵyz sottalmaýym kerek» degen pikirin oryndy dep tapty. Mýsharrafqa 2007 jyly konstıtýtsııanyń kúshin toqtatyp, Joǵarǵy sottyń sýdıalaryn qamaýǵa alyp, elde tótenshe jaǵdaı engizdi degen aıyp taǵylýda. Ol ómir boıy bas bostandyǵynan aıyrylýy nemese ólim jazasyna kesilýi múmkin, dep jazady sheteldik BAQ.
General óziniń kinásiz ekenin málimdedi jáne istiń saıası astary bar dep sanaıdy. Sýdıa úkimetke qylmystyq isti 2007 jyly premer-mınıstr, ádilet mınıstri jáne joǵarǵy sýdıalardyń laýazymyn atqarǵan adamdardyń esimderimen tolyqtyrýdy tapsyrdy.
Sarapshylar kúdiktilerdi kóbeıtý arqyly general Mýsharraf óziniń aqtalý múmkindikterin arttyrýǵa tyrysýda dep sanaıdy.
