Musa Haırýllıev Atyraý oblystyq máslıhatynyń tóraǵasy boldy
Oblystyq aýmaqtyq saılaý komıssııasynyń tóraǵasy Azamat Aımanakýmovtyń málimetinshe, máslıhattyń quramyndaǵy 30 depýtattyń 15-i birmandattyq okrýgten, 15-i saıası partııalardan saılanǵan.
Onyń ishinde 17-si qaıtadan mandat alǵan.
«Oblystyq máslıhat depýtattarynyń arasynda 23 er, 7 áıel bar. Olardyń ortasha jasy – 45-te. Depýtattardyń quramynda azamattyq qoǵamnyń 6, BAQ-tyń 3 ókili bar. Sondaı-aq, 9 kásipker, bilim jáne sport salasynan 3 qyzmetker, 4 fermer, kásiporyndardan 3, densaýlyq saqtaý salasy men memlekettik organnan 1 ókil saılandy», -dep habarlady Azamat Aımanakýmov.
Onyń deregine súıensek, Amanat partııasyna 10, «Aqjol» partııasyna 2, «Aýyl» partııasyna 1, «Respublica» partııasyna 1, «Baıtaq» jasyldar partııasyna 1 mandat berilgen.
Alǵashqy sessııada oblystyq máslıhattyń tóraǵasy bolyp Musa Haırýllıev saılandy.
Máslıhat depýtattary onyń kandıdatýrasyna qoldaý bildirdi. Ol oblystyq máslıhattyń depýtattyǵyna birmandatty №5 okrýgten ózin-ózi usyný jolymen saılanǵan.
Musa Qarashauly 1984 jyly dúnıege kelgen.
Osy kezge deıin «Azamattarǵa arnalǵan úkimet» memlekettik korporatsııasy» KeAQ Atyraý oblystyq fılıalynyń dırektory bolyp jumys istegen.
Atyraý oblystyq máslıhatyń depýtattary tórt turaqty komıssııanyń quramy men tóraǵalaryn saılady.
Eske sala ketelik, budan buryn Atyraý oblysy máslıhatynyń bir mandatty okrýginen 15 depýtat saılanǵanyn, keıin Atyraý oblystyq máslıhatyna AMANAT partııasynan 10 depýtat ótkenin habarlaǵan bolatynbyz.
