Murynsyz týǵan bala eki jasynda kóz jumdy
ASTANA. QazAqparat - AQSh-ta murynsyz dúnıege kelgen bala -Tımotı Elı Tompson eki jasynda kóz jumdy. Sábıdiń qaıtys bolǵany jaıly «Feısbýkte» onyń ákesi Djeremı Fınch habarlady.
- Biz kishkentaıymyzdy ótken túni joǵalttyq. Nege bulaı boldy... ishimdi jegideı jegen qaıǵy basylar emes. Biraq men ómirimde osyndaı súıkimdi balanyń bolǵany úshin taǵdyryma rızamyn,-dep jazdy Djeremı.
Arınııa - patologııanyń sırek túri, bul - murynnyń jarym-jartylaı nemese túgeldeı bolmaýy.
Ol jańa týǵan sábılerdiń 197 mıllıonynyń ishinde birinde ǵana kezdesedi. Álemde osyndaı 36 búldirshin ǵana bolǵan.
Týǵannan keıin bes kún ótken soń Elı Tompsonnyń keńirdegin tesken. Sonyń arqasynda onyń tynys alýy jeńildedi. Biraq kóp ýaqytqa deıin eshqandaı dybys shyǵarmaǵan kórinedi. Osyǵan baılanysty ata-anasy sábıleriniń densaýlyq jaǵdaıyn udaıy qadaǵalaıtyn bolǵan.
Dárigerler balaǵa ota jasap, muryn «syılaýǵa» ázir de edi. Biraq Elıdiń týystary oǵan qajetti aqshany jınap úlgere almady.
