Murtaza Bulytaı Dımashqa qatysty synyna túsinikteme berdi
ASTANA. QazAqparat Belgili dintanýshy Murtaza Bulytaı Qytaıdyń Hýnan telearnasy uıymdastyrǵan «Singer2017» án baıqaýyna qatysyp jatqan Dımash Qudaıbergenovke aıtqan synyna túsinikteme berdi, dep habarlaıdy QazAqparat.
«Búginge deıin qytaıdyń kıimin kıdik, zattaryn tutyndyq, biraq Qytaı sanamyzǵa kire almaǵan bolatyn, bizdiń Qytaıǵa degen kózqarasymyz áıteýir bazarymyzdy solardyń ónimderi jaýlap alǵan, búkil álemdi Qytaı asyrap jatyr degen qarabaıyr túsinik deńgeıinde bolatyn. Al Qytaı syrtymyzda júrse de ishimizge kire almaǵan bolatyn. ıAǵnı, sanamyzǵa, aqylymyzǵa, sezimimizge, mentalıtetimizge, psıhologııamyzǵa osyndaı telejobalar qytaıdyń telekanaldaryn árbir qazaqtyń úıine kirgizip berdi. Aınalymnan aınalymǵa dúıim jurt osy telejobany ańdýmen, asyǵa kútýmen, qaraýmen ótetin boldy. Al ózińiz bilesiz osy televızor, qazirgi ınternet aqparatty tasymaldaýdyń, sanany jaýlaýdyń eń basty quraly. Qazir qytaıǵa degen kózqaras ózgerip barady, burynǵy sekemshildikten, seskenýden góri qazir tek oń baǵa berip, ózeýrete qaraıtyndar paıda bolyp jatyr, osyny aıtyp otyrmyn. Óner de, sport ta, din de tikeleı nemese janama túrde keıbir yqpaldardy tasymaldaý úshin qoldanýǵa qolaıly quraldar, lezde pálenbaı mıllıon adamnyń nazaryn aýdarta alatyn kúsh potentsıaly ǵajap fenomender. Meniń aıtyp otyrǵanym osy qyry ǵana, basqa jaqqa tartpańyzdar, burmalamańyzdar, durys túsinińizder qurmetti halaıyq...», dep jazdy ol óziniń Feısbýktegi paraqshasynda.
Esterińizge sala ketsek , Dımashtyń ákesi Qanat Aıtbaev óziniń Feısbýktegi paraqshasy arqyly dintanýshy synyna jaýap bergenin habarlaǵan bolatynbyz.
