Murnymen mátin terip, rekord ornatty
ASTANA. QazAqparat - Úndistan turǵyny Hýrshıd Hýseın murnymen klavıatýrada mátin jazý jyldamdyǵy boıynsha rekord ornatty.
23 jastaǵy jigit 47 sekýnd ishinde 103 sımvoldan quralǵan mátindi jazyp shyqty. Hýseın mátindi murnymen jyldam terý úshin kún saıyn alty saǵattan jattyǵyp otyrǵan.
Budan buryn ol saýsaqtarymen aǵylshyn alfavıtin 3,43 sekýnd ishinde terip, Gınness rekordyn ornatqan bolatyn, dep habarlaıdy Lenta.Ru.
Munyń aldyndaǵy osyndaı jetistik 2008 jyly BAÁ-de tirkelgen edi. Onda jergilikti turǵyn Hýseın tergen dál osy mátindi murnymen 1 mınýt 33 sekýnd ishinde jazyp shyqqan.
