Mýrmanski áýejaıyna qonar sátte ushaq qozǵaltqyshyna qus kirip ketti
ASTANA. QazAqparat - Sársenbige qaraǵan túni Mýrmansk qalasynyń áýejaıynda Máskeý-Mýrmansk baǵdaryn oryndaǵan «Aeroflot» ushaǵynyń qonýy kezinde onyń qozǵaltqyshyna qus kirip ketken.
«Interfaks» agenttigine áýejaıdyń dıspetcherlik qyzmetinen habarlanǵandaı, ushaqty qondyrý shtattyq rejimde ótti, onyń jolaýshylary zardap shekken joq.
«Qazirgi kezde bul ushaqtyń kezekti sapary keshigip jatyr. Ushaqty tekserý qajet.
Onymen Máskeýge ushýy tıis bolǵan jolaýshylar ózge reısterdiń bos oryndaryna otyrǵyzyldy», - dedi agenttiktiń áńgimelesýshisi.
