Mýrmanskide belgisiz adam turǵyn úıdiń shatyrynan oq jaýdyrdy
ASTANA. KAZINFORM - Oqıǵa Mýrmansk qalasyndaǵy Kolskıı dańǵylynda boldy. Bul týraly BBC News habarlady.
Belgisiz adam turǵyn úıdiń shatyrynan oq atqanyn Mýrmansk oblysynyń gýbernatory Andreı Chıbıs habarlady.
— Quqyq qorǵaý organdary jumys isteýde. Osy aýdanda turatyn nemese júrgen barlyq adamdardan sabyr saqtaýdy jáne qaýipsizdik sharalaryn ustanýdy suraımyz: jaryqty óshirip, terezelerden aýlaq bolyńyz jáne «qyzyqty» vıdeo úshin ómirińizdi qaterge tikpeńiz, — dep jazdy Chıbıs Telegram-arnasynda.
Jergilikti «Mýrmansk seıchas» Telegram-arnasynyń habarlaýynsha, oq atý Kolskıı dańǵyly, 10 mekenjaıyndaǵy jataqhananyń shatyrynan júrgizilip, bir jarym saǵattan beri jalǵasyp jatyr.
Polıtsııa ázirge kúdiktige jete almaı otyr: basylymnyń jazýynsha, shatyrǵa tek bir lıýk arqyly shyǵýǵa bolady, bul quqyq qorǵaý qyzmetkerlerine qıyndyq týdyryp otyr.
Oqıǵa ornyndaǵy kýágerlerdiń aıtýynsha, jaralanǵan adamdar bar.
Resmı organdar jaralanǵandar týraly aqparat taratqan joq.