Mýrmansk oblysynda qaraly kún jarııalandy
ASTANA. QazAqparat - Reseıdiń Mýrmansk oblysynda dúısenbi - 2 maýsym qaraly kún bolyp jarııalandy. Bul kúni oblysta RF týlary túsirilip, telearnalardan oıyn-saýyq baǵdarlamalaryn kórsetýge tyıym salynady. El tikushaq apatynan qaza tapqandardy aza tutady, dep jazady ITAR-TASS.
Sońǵy aqparattar boıynsha, Mı-8 tikushaǵy apatynan qaza bolǵan 9 adamnyń denesi tabyldy. Onda barlyǵy 18 adam bolǵan: beseýi ekıpaj músheleri, 13-i jolaýshylar. Olardyń tek ekeýi tiri qalǵan. Qalǵandary aman qalmady degen boljam aıtylýda. Endi 7 adamnyń súıegi izdestirilý ústinde.
Denesi tabylǵan 9 adamnyń 5-eýiniń kim ekeni anyqtalǵan. Olardyń biri "Apatıt" kompanııasynyń dırektory bolyp shyqty.
