Múrdesi Atyraýda tabylǵan AІІB basshysy esh ýaqytta sógis almaǵan - Q.Qasymov
ASTANA. QazAqparat - Óli tabylǵan Isataı aýdandyq ishki ister bóliminiń bastyǵy Altynbek Qubaıdýllın basshylyq tarabynan esh ýaqytta sógis almaǵan.
Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Іshki ister mınıstri Qalmuhanbet Qasymov málim etti.
BAQ ókiliniń ólgen azamattyń basshylyq tarabynan qandaı da bir sógis alǵan ba degen saýalyna mınıstr «joq» degen jaýabyn berdi. «Joq. Ol bul qyzmetke ótken jyldyń mamyrynda taǵaıyndalǵan», - dedi ol.
«Olar (qarjy polıtsııasy - agenttik eskertpesi) ony ustaý boıynsha operatsııa júrgizdi. Ony ustap, tergedi. Odan keıin densaýlyǵynyń nasharlaýyna baılanysty aýrýhanaǵa jetkizgen. Ol jerde kúzetpen qaldyrǵan. Alaıda ol aýrýhanadan ketip qalǵan. Keshe onyń múrdesi tabyldy. Qazirgi ýaqytta sot-medıtsınalyq saraptama júrgizýdemiz», - degen Q.Qasymov arnaıy prokýror da óz tergeý amaldaryna kirisip jatqandyǵyn aıtty.
Eske sala keteıik, ótken aptada A.Qubaıdýllındi qarjy polıtsııasy qoldan jasalǵan qara ýyldyryq pen 250 myń teńge túrinde para alyp jatqan sátinde qolǵa túsirdi. Tergeý kezinde onyń qan qysymy kóterilip, aýrýhanaǵa jetkizilgen bolatyn, ol sol jerden qashyp ketti.
AІІB bastyǵyna Qazaqstanda aýlaýǵa moratorıı jarııalanǵan bekire tuqymdas balyqtarmen aınalysatyn brakonerlikke qoldaý kórsetti degen kúdik keltirilýde.
