Murajaıda turǵan kóne mysyrlyq mýmııaǵa jan bitti
ASTANA. 25 maýsym. QazAqparat - Ejelgi mysyrlyq músin Ulybrıtanııadaǵy Manchester murajaıynyń qyzmetkerlerin ábigerge túsirdi. Bizdiń zamanymyzǵa deıingi shamamen 1800 jyly jasalǵan, bıiktigi 25 santımetr bolatyn músin eshkimniń kómeginsiz, ıaǵnı ózi 180 gradýsqa burylǵan, dep habarlaıdy vesti.ru
Músin úsh kún boıy qozǵalyp turǵan. Bir qyzyǵy, mýmııa túnde tynysh turady, al kúndiz aqyryn-aqyryn aınalady. Músinniń qozǵalysy beınebaqylaý kamerasyna túsirilipti.
Ǵalymdar bul fenomenniń sebebin túsindire almaı álek. 1920 jyldary Mysyrdy zerttegen ǵalymdar molalarda jumys istegen kez kelgen adamdy «perǵaýyndardyń qarǵysy atady» dep sengen.
Atalǵan músinniń qozǵalýyna Oksford Roýdtaǵy murajaıdyń tálimgeri Kempbell Praıs kýá bolǵan. «Bir kúni qarasam, músin teris qarap tur. Men qatty tańǵaldym. Óıtkeni músin shyny sórede tur, al onyń kilti mende ǵana bar, - deıdi Praıs. - Men músindi ornyna qoıdym. Biraq erteńgi kúni ol taǵy teris aınalyp turdy. Sosyn kamera ornattyq. Bir qaraǵanǵa kórinbese de, anyqtap qarasań, músinniń álsin-álsin qozǵalatynyn kórýge bolady».
