Murathan Toqmádıdiń sotynda kýáger jańa derekterdi jaıyp saldy
TARAZ. QazInform - TARAZ. QazAqparat - Jambyl oblysynyń qylmystyq ister jónindegi mamandandyrylǵan sotynda bıznesmen, «Depýtattyq korpýs» atty qylmystyq toptyń serkesi Murathan Toqmádıdiń isi boıynsha sot isi jalǵasýda, dep habarlaıdy «QazAqparat» HAA tilshisi.
Qazirdiń ózinde tańdap alynǵan 75 kýágerdiń 40 kýágerinen jaýap alyndy. Jalpy, 135 kýáger bar. Alaıda olardyń 75-i ǵana sotta sóıleıdi. Toqmádıdiń isi boıynsha kýáger retinde ótip jatqan 25 azamattan sotqa kele almaıtyny týraly ótinish túsken. Bul týraly agenttik tilshisine Bas prokýratýranyń aǵa prokýrory Іlııas Esqalıev habarlady.
BTA Banktyń burynǵy bas-menedjeri Jaqsylyq Járimbetov sotta aıtqan sózi boıynsha M.Áblıazov túrmeden bosap kelgen soń N.Dútbaev oǵan Reseıde bıznes bastap, óz jobalaryn damytýǵa kómektesken. Tátishevke osy jerde Áblıazovtyń ásirese Reseıdegi bıznes jobalaryna, «Betpaq-dala» kompanııasyn damytýǵa 300 mln AQSh dollaryn nesıe retinde bankten aqsha berýge mindetteıdi.
«Tátishevti men bilemin, ol Ábilıazovke mundaı aqshany eshqashan bermes edi, ekeýiniń arasy jaqsy emes edi»,-dedi kýáger.
Erjan Tátishevtiń ańǵa shyqqandaǵy ólimi týraly ol bylaı dedi: «Ol kezde Tátishevke Ábilıazov pen Dútbaev tarapynan qysym jasaldy. UQK tarapynan ádeıi uıymdastyrylǵan tekserýler júrip jatty. Estýimshe, Tátishev kúızelis jaǵdaıynda júrgen. Sol sebepten ańǵa jıi shyǵyp turǵan»
Kýáger Ábilıazovpen Londonda kezdesken áńgimesinde ne týraly aıtqanyn jetkizdi.
«Men odan Erjan týraly suraǵanymda Áblıazov aıtty: «Mýrka, ózinikin jasady, saǵan ol ne kerek, aralaspa» ol kezde buǵan mán bermegen edim, óz sharýam bastan asyp jatqan. Qazir oılasam, ol sózder tegin aıtylmapty»,-dedi kýáger.
Ol ózin Erjan Tátishevti jaqyn dosy sanaıtynyn jáne onyń qazasyna qatty kúızelgenin de jetkizdi.
«Tátishevtiń ólimine Murathan Toqmadıdiń qatysy bolýy men úshin jańalyq boldy. Men buryn da Tátishevtiń ólimi Ábilıazov úshin paıdaly ekendigin biletinmin. Onyń óliminen keıingi 4-5 aıdan soń ol «BTA Bank» tizginin tolyqtaı qolyna aldy. Erjan Tátishev tiri bolǵanda ol bankke qol jetkize almas edi»,-dedi ol.
Eske salaıyq, «Depýtattyq korpýs» qylmystyq tobynyń jetekshisi M.Toqmádı 2017 jyldyń qazanynda Almaty qalasy Almaly aýdandyq sotynyń úkimimen bopsalaýshylyq jasaǵany úshin jáne zańsyz qarý-jaraq saqtaǵany úshin sottalǵan edi. Sot ony úsh jylǵa bas bostandyǵynan aıyrǵan bolatyn.
Belgili bolǵandaı, 2017 jyldyń qazanynda shyqqan suhbatynda sottalýshy M. Toqmádı bankır Erjan Tátishevti 2004 jyldyń 19 jeltoqsanynda Jambyl oblysy Qordaı aýdany Otar stansasy mańynda ańshylyqqa shyqqan kezde atyp óltirgenin moıyndaǵan. Budan bólek, jemqorlyq jasaǵanyn - QR ІІM Tergeý-jedel tobynyń basshysy Erjan Artyqbaevqa aqshalaı syıaqy bergenin de moınyna alǵan. Endi M.Toqmádıge 1997 jylǵy redaktsııadaǵy QR QK 96-baby 2-bólimi «j», «z» tarmaqtarynda (adamdar toby, aldyn ala sóz baılasý arqyly adamdar toby jasaǵan, paıda tabý maqsatymen, sol sııaqty jaldanyp ne qaraqshylyqpen, qorqytyp alýshylyqpen ne bandıtızmmen adam óltirý) qarastyrylǵan qylmystar jasady degen aıyp taǵylýda.
Sot barysynda aıyptalýshy ózine taǵylǵan aıyptardyń bári negizdi ekenin aıtyp, Erjan Tátishevti óltirgendigin tolyqtaı moıyndaǵan bolatyn.
