Murat Júrebekov Energetıka mınıstriniń birinshi orynbasary qyzmetinen bosatyldy
ASTANA. QazAqparat - QR Premer-Mınıstriniń qaýlysymen Murat Ótemisuly Júrebekov basqa jumysqa aýysýyna baılanysty Qazaqstan Respýblıkasynyń birinshi energetıka vıtse-mınıstri qyzmetinen bosatyldy. Bul týraly QR Premer-Mınıstriniń baspasóz qyzmetine silteme jasap QazAqparat habarlaıdy.
Murat Júrebekov 1978 jyly Aqtóbe oblysynda dúnıege kelgen.
Q. Jubanov atyndaǵy Aqtóbe memlekettik ýnıversıtetin, Strathclyde ýnıversıtetin, Garvard bıznes mektebin, Qazaqstan-Brıtan tehnıkalyq ýnıversıtetin támamdaǵan.
Ár jyldary «QazTransGaz» JAQ, «Intergaz Ortalyq Azııa» JAQ, London qalasyndaǵy «Adjıp KKO» kompanııasynda, «QazMunaıGaz» UK AQ, «PSA» JShS-da jumys istedi.
2019 jylǵy shildeden jeltoqsanǵa deıin – QR energetıka vıtse-mınıstri.
2019 jylǵy jeltoqsannan bastap qazirgi ýaqytqa deıin – QR birinshi energetıka vıtse-mınıstri.
Foto: primeminister.kz
