Murat Tileýberdıev Qaraǵandy oblysynyń prokýrory bolyp taǵaıyndaldy
QARAǴANDY. KAZINFORM — Qaraǵandy oblysynyń qadaǵalaý organyn tájirıbeli prokýror Murat Tileýberdıev basqardy. Buǵan deıin ol Túrkistan oblysynyń prokýrory laýazymyn atqarǵan.
Murat Ájinuruly Tileýberdıev 1973 jylǵy 20 qarashada Almaty oblysynyń Kaskeleń aýdanynda dúnıege kelgen. Qazaq memlekettik zań ýnıversıtetinde «Quqyqtaný» mamandyǵy boıynsha bilim alǵan.
Ol prokýratýra organdaryndaǵy qyzmetin 1999 jyly Almaty qalasy Bostandyq aýdanynyń prokýrorynyń kómekshisi laýazymynan bastaǵan. Qyzmet jolynda qadaǵalaý organynyń túrli qurylymdarynda eńbek etip, qarapaıym qyzmetkerden bastap jetekshilik laýazymdarǵa deıin kóterildi.
Ár jyldary Almaty qalasy prokýratýrasynda bólim jáne basqarma basshysy qyzmetterin atqardy. 2018 jyldyń sáýir aıynan bastap Almaty qalasynyń Áýezov jáne Almaly aýdandarynyń prokýrory, keıin Almaty qalasy prokýrorynyń orynbasary boldy.
Keıin Qazaqstan Respýblıkasynyń Bas prokýratýrasynda kadrlyq damý departamentin basqardy. 2023 jyldyń mamyr aıynan bastap Túrkistan oblysynyń prokýrory qyzmetin atqaryp keldi.
Murat Tileýberdıev «Aıbyn» II dárejeli ordenimen marapattalǵan.
Buǵan deıin habarlanǵandaı, ótken apta ishinde Qazaqstandaǵy birqatar memlekettik organdar men óńirlerde jańa basshylar taǵaıyndalǵan bolatyn.
