Murat Ospanov sot sanktsııasymen tutqyndaldy
ASTANA. QazAqparat - Astana soty QR Tabıǵı monopolııalardy retteý agenttiginiń tóraǵasy Murat Ospanovty qamaýǵa alýdy sanktsııalady, dep habarlady qarjy polıtsııasy agenttiginiń baspasóz qyzmetinen.
«Qarjy polıtsııasy agenttigi oǵan tabıǵı monopolııalardy qoldaý úshin 300 myń dollar kóleminde para aldy degen aıyp taǵyp otyr. Ospanov ýaqytsha ustaý oqshaýlaǵyshynan tergeý ızolıatoryna aýystyryldy», - delingen taratylǵan habarlamada.
Eske sala keteıik, Tabıǵı monopolııalardy retteý agenttiginiń basshysy 1 shildede ustalǵan. Bastapqyda qarjy polıtsııasy ony 200 myń dollar kóleminde para aldy dep aıyptaǵan bolatyn.
