Murat Nurtileý Ujymdyq qaýipsizdik týraly shart uıymyna múshe memleketterdiń Syrtqy ister mınıstrlerimen kezdesti

NЬıÝ-IORK. KAZINFORM — Birikken Ulttar Uıymy Bas Assambleıasynyń 80-sessııasy aıasynda QR Premer-mınıstriniń orynbasary – Syrtqy ister mınıstri Murat Nurtileý Ujymdyq qaýipsizdik týraly shart uıymyna múshe memleketterdiń Syrtqy ister mınıstrleriniń jumys kezdesýine qatysty.

Іs-sharaǵa qatysýshylar BUU Bas Assambleıasynyń mereıtoılyq sessııasynyń kún tártibindegi ózekti máseleler boıynsha pikir almasty, sondaı-aq Ujymdyq qaýipsizdik týraly shart uıymynyń BUU-men yntymaqtastyǵynyń basym baǵyttaryn talqylady.

M.Nurtileý áriptesterin Ujymdyq qaýipsizdik týraly shart uıymy qyzmetiniń birqatar aspektileri boıynsha Qazaqstannyń ustanymy týraly habardar etti. Óńirlik qurylymnyń odan ári damýyna baılanysty óz kózqarasyn bildirdi. Kezdesýge qatysýshylardy Qazaqstannyń BUU júıesin jáne onyń Qaýipsizdik Keńesin reformalaý jónindegi bastamalaryn qoldaýǵa shaqyrdy.

Uıymǵa múshe memleketterdiń syrtqy saıası vedomstvolarynyń basshylary BUU qurylǵanyna 80 jyldyǵyna oraı málimdeme qabyldady.

Kezdesý dástúrli dostyq sıpatta ótti. Taraptar UQShU-nyń bárin qamtıtyn uıymmen odan ári ózara tıimdi yntymaqtastyǵyn damytýǵa nıetin rastady.

Eske sala keteıik, Qazaqstan Syrtqy ister mınıstri Pákistan Prezıdentimen kezdesip, sońǵy jyldary qol jetkizgen ekijaqty yntymaqtastyqtyń joǵary deńgeıin atap ótken bolatyn.