Murat Nurtileý Reseı-Ýkraına máselesi týraly: úmit oty tutandy
ASTANA. KAZINFORM — QR Premer-mınıstriniń orynbasary — Syrtqy ister mınıstri Murat Nurtileý Reseı men Ýkraına arasyndaǵy qaqtyǵystyń ońaılyqpen sheshilmeıtinin aıtty.
— Birikken ulttar uıymy Jarǵysynyń qaǵıdattaryn berik ustanatyn eki memlekettiń pozıtsııalary kóptegen ózekti máseleler boıynsha uqsas ári úndes deý oryndy. Ártúrli málimdemeniń sıpaty men maǵynasyn nazarǵa ala otyryp, Reseı-Ýkraına máselesi boıynsha kelissózderdiń bastalýyna úmit oty tutana bastady. Degenmen, bul sheshim ońaı tarqatylatyn túıin emes ekeni túsinikti. Sonymen qatar, kelisimge qadam jasaý, jaqsy úrdis jáne biz muny meılinshe qoldaımyz, — dedi Murat Nurtileý BAQ ókilderiniń aldynda málimdeme jasaı otyryp.
Sonymen qatar Reseı-Ýkraına máselesine qatysty Qazaqstanǵa resmı saparmen kelgen Majarstannyń Syrtqy ekonomıkalyq baılanystar jáne syrtqy ister mınıstri Peter Sıııarto da pikir bildirdi.
— Búgin biz Ýkraınadaǵy soǵys týraly egjeı-tegjeıli aıttyq. Soǵystyń nátıjesinde bizdiń el úlken shyǵynǵa ushyrady. Sondyqtan soǵys múmkindiginshe erterek aıaqtalyp, beıbit kelisimge qol jetkizýine qyzyǵýshylyq tanytyp otyrmyz. AQSh-tyń jańa prezıdenti jáne onyń beıbitshilik saıasaty bizge múmkindik beredi. Sondyqtan biz Reseı men AQSh arasyndaǵy dıalogty joǵary deńgeıde quptaımyz, — dedi Pıter Sıııarto.
Sondaı-aq sheteldik meıman keıbir saıasatkerlerdiń qaqtyǵysty beıbit jolmen sheshýge jol bermeýge tyrysyp jatqanyn aıtty.
— Parıjde sońǵy jyldary únemi otqa maı quıyp júrgender kezdesedi, olar soǵysty qoldaıdy. Bul soǵystyń órshýin únemi arttyryp kele jatqan elder, — dep tolyqtyrdy Vengrııanyń syrtqy ister mınıstri.
Odan bólek, QR Premer-mınıstriniń orynbasary — Syrtqy ister mınıstri Murat Nurtileý Taıaý Shyǵystaǵy jaǵdaıǵa alańdaýshylyq tanytty.
Aıta keteıik, Majarstannyń prezıdenti Tamash Shýıok jáne Parlament spıkeri Laslo Keverdiń Qazaqstanǵa resmı saparpen keledi.