Murat Nurtileý: Qazaqstan OA men Koreıanyń óner salasyndaǵy kreatıvti kásipkerlerine alań usynýǵa daıyn
Qazaqstan Koreıa men Ortalyq Azııa elderine óner salasyndaǵy kreatıvti kásipkerler úshin birlesken ortalyqtar qurýdy usyndy. Bul týraly «Ortalyq Azııa – Koreıa Respýblıkasy» 16-yntymaqtastyq forýmynda Premer-Mınıstrdiń orynbasary – Syrtqy ister mınıstri Murat Nurtileý aıtty, dep habarlaıdy Kazinform tilshisi Ashhabadtan.
«Bizdiń ekonomıkalarymyzdyń ósiminiń jańa núktesikreatıvtiq ındýstrııa salasy bolýy tıistigi sózsiz. Ońtústik Koreıanyń tájirıbesi kórsetkendeı, qazirgi zamanǵy álemde kreatıvti óndiris ınklıýzıvti ekonomıkanyń qozǵaýshy kúshi qyzmetin atqarady. Biz medıa, kıno, mýzyka jáne dızaın salalaryndaǵy kreatıvti kásipkerler úshin birlesken ortalyqtar men ınkýbatorlar qurýdy usynamyz jáne bul úshin óz alańyńyzdy usynýǵa daıynbyz», - dedi Qazaqstan Syrtqy ister mınıstri.
Murat Nurtileý búgingi forým Ortalyq Azııanyń energetıkalyq qurylymyn jańaratyn jáne balamaly energııa kózderin damytý baǵytynda transformatsııalaý úshin tıimdi alań bolatynyna senimdi ekendigin aıtty.
Qazaqstan osy saladaǵy júıeli ózgeristerdi ilgeriletýge kiristi jáne 2060 jylǵa qaraı kómirtegi beıtaraptyǵyna qol jetkizý jónindegi ulttyq strategııany qabyldady. Sonymen qatar Memleket basshymyz Almatyda Ortalyq Azııa elderiniń klımat jáne jasyl energetıka máseleleri jónindegi jobalyq keńsesin qurýdy, sondaı-aq 2026 jyly BUU qamqorlyǵymen óńirlik Klımattyq sammıt ótkizýdi usyndy. Ortalyq Azııadaǵy ekologııalyq problemalardy sheshý isinde álemdik qoǵamdastyqtyń kúsh-jigerin shoǵyrlandyrýdaǵy óńirdiń rólin nyǵaıtýǵa arnalǵan bastamalarymyzdy qoldaıdy dep senemiz», - dedi ol.
