Murat Nurtileý BUU Bas hatshysy Antonıý Gýterrıshpen kezdesti
ASTANA. KAZINFORM - Nıý-Iorktegi BUU Bas Assambleıasynyń 79-shy sessııasynyń joǵary deńgeıdegi aptalyǵy aıasynda QR men BUU yntymaqtastyǵynyń keleshegi talqylandy, dep habarlaıdy QR SІM baspasóz qyzmeti.
BUU-nyń Nıý-Iork qalasyndaǵy shtab-páterinde Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý Birikken Ulttar Uıymynyń Bas hatshysy Antonıý Gýterrıshpen kezdesti.
Kezdesý barysynda taraptar BUU Bas Assambleıasynyń 79-shy sessııasynyń nazarynda turǵan halyqaralyq kún tártibindegi ózekti máseleleri, sondaı-aq BUU-nyń QR men óńirdegi qyzmetin, onyń ishinde Almatyda BUU-nyń Ortalyq Azııa men Aýǵanstandaǵy turaqty damý jónindegi Óńirlik ortalyǵyn qurý sheńberindegi bastamasy talqylandy.
Qazaqstannyń Syrtqy ister mınıstri elimizdiń BUU Jarǵysynyń negizgi maqsattary men qaǵıdattaryna adaldyǵyn qaıta rastady jáne BUU Bas hatshysyn dúnıejúzilik uıymnyń jalpyǵa ortaq beıbitshilik pen órkendeý jolyndaǵy qyzmetin tolyq qoldaıtyndyǵyna sendirdi.
Mınıstr M.Nurtileý sondaı-aq Qazaqstannyń syrtqy saıasatynyń basymdyqtary jáne elimizde júrgizilip jatqan áleýmettik-ekonomıkalyq jáne saıası reformalar, atap aıtqanda, QR Prezıdenti Qasym-Jomart Toqaevtyń 2024 jylǵy qyrkúıektegi Qazaqstan halqyna Joldaýynda aıtylǵan reformalar týraly habardar etti.
BUU Bas hatshysy Qazaqstan men jahandyq uıym arasyndaǵy yntymaqtastyqtyń joǵary deńgeıin atap ótti. Qazaqstannyń beıbitshilik pen qaýipsizdikti nyǵaıtýǵa, Ornyqty damý maqsattaryna qol jetkizýge jáne adam quqyqtaryn qamtamasyz etýge qosqan úlesin joǵary baǵalady.
«Biz úshin Qazaqstan joǵary dárejeli seriktes, mýltılateralızmniń tiregi, mádenıetter, dinder men órkenıetter arasyndaǵy dıalogtyń jolserigi. Sizdiń elińiz Ortalyq Azııanyń irgeli tiregi bola otyryp, Shyǵys pen Batys arasyndaǵy kópir.
Men BUU bastamalaryna turaqty qoldaý kórsetkeni úshin, atap aıtqanda, 2024 jylǵy shildede ShYU Sammıtine qatysý sheńberinde ózim barǵan Almatyda Ortalyq Azııa men Aýǵanstanda ornyqty damý jónindegi BUU Óńirlik ortalyǵyn qurýdy ilgeriletkeni úshin elińizge alǵys bildirgim keledi», – dep atap ótti BUU Bas hatshysy A.Gýterrısh.
