Murat Nurtileý ShYU-ǵa múshe memleketterdiń mınıstrleri keńesiniń otyrysyna qatysady

ASTANA. QazAqparat – Premer-Mınıstriniń orynbasary – Syrtqy ister mınıstri Murat Nurtileý Shanhaı yntymaqtastyq uıymyna múshe memleketterdiń mınıstrleri keńesiniń otyrysyna qatysady. Bul týraly QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«2023 jylǵy 5 mamyrda Qazaqstan Premer-Mınıstriniń orynbasary – Syrtqy ister mınıstri Murat Nurtileý Shanhaı yntymaqtastyq uıymyna (ShYU) múshe memleketterdiń Syrtqy ister mınıstrleri keńesiniń otyrysyna qatysady. ShYU-ǵa múshe memleketterdiń syrtqy saıası vedomstvolary basshylarynyń aldaǵy keńesiniń negizgi máseleleriniń biri – ShYU memleket basshylary keńesiniń otyrysyna shyǵarylatyn qujattardy daıyndaý», - dedi A. Smadııarov elordada ótken baspasóz máslıhatynda.

Onyń aıtýynsha, atalǵan mınıstrler kezdesýinde elderdiń túrli salalardaǵy, sonyń arasynda Uıym qyzmetin jetildirý máselelerindegi odan ári ózara is-qımylynyń perspektıvalary talqylanady.

Budan buryn habarlanǵandaı, resmı ókil Iraktaǵy túrmede ómir boıyna bas bostandyǵynan aıyrylǵan qazaqstandyq áıelder ashtyq jarııalaǵanyn aıtty.