Murat Muhanov Tótenshe jaǵdaılar mınıstri bolyp taǵaıyndaldy
ASTANA. KAZINFORM — Murat Seıtmoldauly Muhanov Qazaqstan Respýblıkasynyń Tótenshe jaǵdaılar mınıstri laýazymyna taǵaıyndaldy. Bul týraly Aqordanyń baspasóz qyzmeti málim etti.
— Memleket basshysynyń Jarlyǵymen Murat Seıtmoldauly Muhanov Qazaqstan Respýblıkasynyń Tótenshe jaǵdaılar mınıstri laýazymyna taǵaıyndaldy, — delingen habarlamada.
Murat Seıtmoldauly 1985 jyly Mańǵystaý oblysynda dúnıege kelgen. QR TJM Kókshetaý tehnıkalyq ınstıtýtyn, RF Azamattyq qorǵanys isteri mınıstrligi Sankt-Peterbýrg memlekettik órtke qarsy qyzmet ýnıversıtetin bitirgen.
Eńbek jolyn 2006 jyly Mańǵystaý oblysynyń Tótenshe jaǵdaılar salasyndaǵy memlekettik baqylaý jáne qadaǵalaý basqarmasynyń normatıvtik-tehnıkalyq bóliminde bas maman bolyp bastady.
2006 jyldan 2014 jylǵa deıin Mańǵystaý oblysynyń Tótenshe jaǵdaılar departamenti qurylymynda túrli laýazymdarda jumys istedi.
2014–2017 jyldary — Mańǵystaý oblysy TJD Órt qaýipsizdigi salasyndaǵy baqylaý jáne profılaktıkalyq qyzmet bóliminiń bastyǵy, Órt qaýipsizdigi salasyndaǵy baqylaý jáne profılaktıkalyq qyzmet basqarmasynyń bastyǵy.
2017–2020 jyldary — Mańǵystaý oblysy Tótenshe jaǵdaılar departamenti bastyǵynyń orynbasary.
2020–2023 jyldary — Mańǵystaý oblysynyń Tótenshe jaǵdaılar departamentiniń bastyǵy.
2023–2024 jyldary — QR TJM Órtke qarsy qyzmet komıteti tóraǵasynyń orynbasarynyń mindetin atqarýshy.
2024 jyldyń sáýir aıynan bastap qazirgi ýaqytqa deıin QR TJM Mańǵystaý oblysynyń Tótenshe jaǵdaılar departamentiniń bastyǵy bolyp qyzmet atqardy.
Eske sala keteıik, Erjan Sádenov Іshki ister mınıstri laýazymyna qaıta taǵaıyndaldy.
Búgin sondaı-aq Dáýren Qosanov Qorǵanys mınıstri laýazymyna taǵaıyndaldy.
Al Ǵalymjan Qoıshybaev Premer-mınıstrdiń orynbasary — Úkimet Apparatynyń basshysy laýazymyna taǵaıyndaldy.
Artynsha Nurlybek Nálibaev Premer-mınıstrdiń birinshi orynbasary bolatyny belgili boldy.
