Murat Ergeshbaev: Jańa saıası kezeń úlken jaýapkershilik júkteıdi

— Jańa Konstıtýtsııada aıqyndalǵan qaǵıdattar memlekettik bıliktiń barlyq tarmaǵynyń qyzmetine tyń serpin beredi. Memlekettik basqarýdyń basty ólshemi halyqqa adal qyzmet etý, zań talaptaryn múltiksiz saqtaý bolýy tıis.Jańa saıası kezeń bizge úlken jaýapkershilik júkteıdi. Bizdiń mindetimiz — jańa Konstıtýtsııanyń qaǵıdattaryn halyqtyń kúndelikti ómirinde naqty nátıje beretin tıimdi memlekettik saıasatqa aınaldyrý. Syr óńirinde de jańa saıası reformalardyń talaptaryna sáıkes keshendi jumystar júrgizilýi qajet, — dedi Murat Nálqojauly.

Kúni keshe Memleket basshysy Parlament palatalarynyń birlesken otyrysynda saıası-ekonomıkalyq reformalardyń, aýqymdy ózgeristerdiń jańa kezeńine arnalǵan tapsyrmalar júktegeni belgili. Májiliste barlyq sala basshylary osy mindetterdi oryndaýda atqarylatyn isterdiń basty baǵdary týraly baıandady. Jıynda oblystyq qurylys, sáýlet jáne qala qurylysy basqarmasynyń basshysy Erlan Tórálıev Memleket basshysynyń Qazaqstandy úlken qurylys alańyna aınaldyrý tapsyrmasy óńirdiń qurylys salasynyń odan ári órkendeýine oń áserin tıgizetinin atap ótti.

Eske salsaq, 2022 jyly qurylys salasyna memlekettik bıýdjet esebinen 24,3 mlrd teńge, 2025 jyly 138,3 mlrd teńge bólinip, qarjy kólemi 6 ese ósken. Jalpy osy jyldar aralyǵynda 272 áleýmettik nysan jáne 1016 turǵyn úı paıdalanýǵa berildi. Bıyl jyl sońyna deıin tabystalatyn 3 685 páter 15 myńǵa jýyq turǵynnyń baspana máselesin sheshedi. 

Oblystyq bilim basqarmasynyń basshysy Asqarbek Esjanov Memleket basshysy, Úkimet, oblys ákimdigi belgilegen baǵyttardy iske asyrýda mektepke deıingi tárbıeden bastap, jalpy orta, tehnıkalyq jáne kásiptik bilimge deıingi barlyq deńgeıde sapany arttyrýǵa basymdyq beriletinin atap ótti. Basqarma basshysy tsıfrlyq transformatsııany jedeldetý, tehnıkalyq jáne kásiptik bilim berý júıesin eńbek naryǵynyń suranysyna beıimdeý, tárbıe jumysyn jańa mazmunda kúsheıtý úshin atqarylatyn jumys baǵytyna da toqtaldy.

Oblystyq kásipkerlik jáne ónerkásip basqarmasynyń basshysy Móldir Táýipbaeva keıingi tórt jylda óńir ekonomıkasyna 2,4 trln teńgege jýyq ınvestıtsııa tartylǵanyn atap ótti. Júzege asqan 72 ındýstrııalyq jobanyń quny 400 mlrd teńgeden asady. Aldaǵy úsh jylda 1,9 trln teńgege 48 ınvestıtsııalyq joba júzege asyrylyp, 10 myńnan asa jańa jumys oryndary ashylady. Búginde 14 iri joba, onyń ishinde 4 jobanyń qurylysy júrgizilýde jáne 2-eýiniń kapsýlasy salyndy. Jyl sońyna deıin taǵy 8 jobanyń qurylysy bastalady, 100 mlrd teńgeniń 21 jobasy josparlanǵan.

«Qyzylorda elektr taratý toraptary» kompanııasyna elektr jelileriniń tehnıkalyq jaı-kúıin keshendi zerdeleý, materıaldyq-tehnıkalyq daıyndyqty kúsheıtý jáne tótenshe jaǵdaılardyń aldyn alý sharalaryn jetildirý tapsyryldy. Barlyq jylý kózindegi rezervtik elektr stantsııalarynyń turaqty ári úzdiksiz jumysyn qamtamasyz etý mindeti qoıyldy. Aldaǵy jylý berý maýsymyna qajetti kómir qoryn aldyn ala jasaqtaý kerek. Osyǵan baılanysty qala jáne aýdan ákimderine operatorlarmen, «Qazaqstan Temir Joly» kompanııasymen ózara úılesimdi jumysty uıymdastyryp, turǵyndardy qatty otynmen qamtamasyz etý tapsyryldy.

Memleket basshysynyń tapsyrmasyna sáıkes «Aksa Enerdjı» túrik kompanııasy jańa jylý elektr ortalyǵyn saldy. Búginde ortalyq iske qosylyp, jobada qaralǵan elektr energııasyn óndirýde. Aldaǵy jylý berý maýsymynda tolyq iske qosylyp, turǵyndardy úzdiksiz, sapaly jylý jáne elektr energııasymen qamtamasyz etedi. Oblysqa jylý berý maýsymynda 80 myń tonna kómir kerek. Onyń 68,3 myń tonnasy turǵyndar, 11,7 myń tonnasy áleýmettik nysandar qajettiligi kestege sáıkes qor jasaqtalyp jatyr. Óńirdegi elektr jelileri men qondyrǵylarynyń tozý deńgeıi 60,8%, bıyl qaıta jańǵyrtýǵa 10,5 mlrd.teńge qarjy josparlanǵan. Bul jumystardan keıin tozǵan jeliler 59 paıyzǵa azaıady. Jalpy aldaǵy jylý berý maýsymyna daıyndyq turaqty baqylaýda.