Murat Ergeshbaev Orynbordan gaz ımporttaýǵa qatysty: 30 jyl ne istedik
ASTANA. KAZINFORM – Gazdan qosylǵan quny joǵary ónim alýǵa basa mán berý qajet. Bul týraly BIZDIÑ ORTA podkastynda Májilis depýtaty Murat Ergeshbaev aıtty.
- Biz kógildir otynymyzdy Orynbor jetkizip, ony sol jaqta óńdeımiz. Sodan soń halyqqa jetkizemiz. Sonda 30 jyl ne istedik? Osydan úsh jyl buryn Memleket basshysy gaz óńdeý zaýyttarymen aınalysý qajettigin naqty aıtty. Biraq ártúrli sebeptermen sozbalańǵa salady. Al zaýyt salǵan azamattarǵa shıkizat joq. Zaýyt saldyryp jatyrsyń ba, onda ınvestordyń mindetti túrde shıkizatpen qamtamasyz etiletinine senimi bolýy kerek qoı. Al gazdy qaı jaqtan alady? Bizde gaz balansy bar. Sol arqyly retteýge bolady. Prezıdent te gazdyń bárin syrtqa shyǵara bermeı qosylǵan quny bar óndirispen aınalysý qajettigin aıtyp otyr, - dedi Májilis depýtaty.
Buǵan deıin jazǵanymyzdaı, Májilis depýtaty Murat Ergeshbaev shaǵyn munaı óńdeý zaýyttaryna kvota belgilep berý kerek ekenin aıtty.