Murat Bısembınniń janazasy qaıda ótedi

ASTANA. KAZINFORM — Erteń Almaty qalasynyń Ortalyq meshitinde belgili akter Murat Bısembınmen qoshtasý rásimi ótedi. Bul týraly onyń qyzy Dıana habarlady.

— Dostar, ákemmen qoshtasqysy keletin barshańyzdy erteń, 9 qańtar kúni Almaty qalasyndaǵy Pýshkın kóshesi, 16 mekenjaıynda ornalasqan Ortalyq meshitke shaqyramyz. Saǵat 10:00–de janaza namazy oqylady, — dep jazdy ol Instagram-daǵy paraqshasynda.

Eske salsaq, búgin qazaqstandyq akter Murat Bısembın 53 jasynda ómirden ótti. 

Budan buryn akter suhbatynda biraz ýaqyttan beri onkologııalyq aýrýmen kúresip júrgenin aıtqan bolatyn. 2025 jyldyń jeltoqsanynda ınsýltten keıin aýrýhanaǵa túskeni belgili boldy.