Murat Baımuqashev ýchaskelik ınspektorlar arasyndaǵy syıbaılas jemqorlyq týraly aıtty

NUR-SULTAN. QazAqparat – Bıyl ýchaskelik ınspektorlar arasynda syıbaılas jemqorlyq deńgeıi tómendedi. Bul týraly QR ІІM Ákimshilik polıtsııa komıtetiniń tóraǵasy Murat Baımuqashev aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz qyzmetinde ýchaskelik ınspektorlar arasynda syıbaılas jemqorlyq deńgeıi polıtsııanyń basqap qyzmetterimen salystyrǵanda qanshalyq joǵary ekeni suraldy.

«Іshki ister mınıstrligi sybaılas jemqorlyqpen kúres máselesin qatań baqylaýynda ustap otyr. Qazir qyzmetkerlerge aılyqtaryn kóterip, turǵyn úımen qamtamasyz etý qadamdaryn qolǵa aldyq. Bul másele de jemqorlyqty joıýǵa kóp áser etetin faktorlardyń biri. Al ýchaskelik ınspektorlar arasyndaǵy naqty jaǵdaıǵa keletin bolsaq, ótken jyldary ýchaskelik polıtsııa qyzmetkerleri jasaǵan sybaılas jemqorlyq jalpy qylmys sanynyń 8-10 paıyzy bolsa, bıyl 4 paıyzdy qurady. Jyl basynan ýchaskelik polıtsııa ınspektory jasaǵan 3 fakt tirkeldi», - dedi Murat Baımuqashev.

Budan buryn habarlanǵandaı, Murat Baımuqashev ýchaskelik polıtsııa jumysynyń tıimdiligin arttyr ý jospary týraly aıtty.

Ýchaskelik ınspektorlar is-qımylynyń arnaıy algorıtmi ázirlendi.

2022 jyldan ýchaskelik ınspektordyń jalaqysy taǵy 30 paıyzǵa, al kómekshileriniń jalaqysy 7 paıyzǵa artady.