Murat Baqtııaruly Áleýmettik-mádenı damý jáne ǵylym komıtetiniń tóraǵasy laýazymynan bosatyldy
«Áleýmettik-mádenı damý jáne ǵylym komıtetiniń tóraǵasy Murat Baqtııaruly komıtet tóraǵasy qyzmetinen aýysýǵa nıet bildirdi. Murat Baqtııaruly biraz jyl boıy osy komıtetke basshylyq jasady. Mańyzdy zańdardyń qabyldanýyna, Parlamenttik tyńdaýlar men Úkimet saǵattaryn ótkizip, áleýmettik-mádenı jáne ǵylym máselelerin sheshýge úlken úles qosty. Murat Baqtııarulyna komıtet tóraǵasy retinde atqarǵan tabysty qyzmetine alǵysymyzdy bildiremiz», - dedi Senattyń jalpy otyrysynda palata tóraǵasy Máýlen Áshimbaev.
Onyń atap ótýinshe, Murat Baqtııaruly Halyqaralyq qatynastar, qorǵanys jáne qaýipsizdik komıtetiniń quramynda qyzmet etýge ótinish bildirgen.
Osyǵan qatysty sheshim palata otyrysynda qabyldanyp, Senat qaýlylarymen Murat Baqtııaruly Áleýmettik-mádenı damý jáne ǵylym komıtetiniń tóraǵasy laýazymynan bosatylyp, Halyqaralyq qatynastar, qorǵanys jáne qaýipsizdik komıtetine saılandy.
