Murat Áıtenov: Tarıfti kóterýdiń arqasynda eskirgen jelilerge aqsha salynady

ASTANA. QazAqparat – Shymkent qalasynyń ákimi Murat Áıtenov ortalyq kommýnıkatsııalar qyzmetinde ótkne brıfıngide kommýnaldyq tarıftiń ósýine baılanysty pikir bildirdi, dep habarlaıdy QazAqparat tilshisi.

«Shymkenttegi jylý-elektr ortalyqtalyǵy men sý arnasyn ıemdenip otyrǵan monpololıst kompanııalar tarıfti kótermek. Sý arnasy káriz tólemin 30 paıyzǵa arttyrmaq. Káriz júıesiniń tozý deńgeıi 70 paıyz ekenin eskersek, bul negizdi dep oılaısyz ba? Káriz jelisi men kollektr qurylysyna qala bıýdjetinen mıllıondaǵan aqsha bólinip jatyr ǵoı. Monpoısterdiń tarıf kótersek degen tilegin qalaı baǵalaısyz?» - dep surady jýrnalıst.

Ákim bul suraqqa elimizde tarıf saıasaty ózgergenin eske sala otyryp jaýap berdi.

«Qazir elde ınvestıtsııaǵa tarıf aıyrbastaıtyn zań usynylyp jatyr. Qala ınfraqurylymyna kóp aqsha salynyp jatqanyn aıttyńyz. Ol aqshanyń bári jańa qurylysqa ketip jatyr. Buryn ınfraqurylym bolmaǵan jerlerge tóselip jatyr. Energetıka basqarmasy men kommýnaldyq qyzmetterdiń menshiginde bolyp kelgen jeliler bar. Onyń kóbi sovet zamanynan beri qoldanysta. Mysaly, bizdegi káriz júıesi 67 paıyz eskirgen. Bizdegi sý qubyrlary eki topqa bólinedi. Birinshisi memleket menshiginde, ekinshisi jekemenshikte (75 paıyzy). Qazir bul másele boıynsha esepteýler júrip jatyr. Tarıfti kóterýdiń arqasynda eskirgen jelilerge aqsha salynady. Biraq, bul ázirge talqylaý deńgeıinde ǵana ekenin aıtqym keledi. Sheshim áli qabyldanǵan joq», - dedi Murat Áıtenov.