Murat Áıtenov qaladaǵy áýejaı qurylysy qashan aıaqtalatynyn aıtty
«Shymkent – respýblıkalyq mańyzy bar qala. Ondaǵy halyqtyń sany jyl sanap artyp keledi. Al bizdiń qazirgi áýejaı tıisti talaptarǵa saı emes. 2019 jyly ınvestordyń, ıaǵnı SCAT áýe kompanııasynyń kómegimen jalpy aýmaǵy 35 myń sharshy metr bolatyn úlken áýejaıy salynyp jatyr», - dedi Murat Áıtenov Ortalyq kommýnıkatsııalar qyzmetinde ótken baspasóz máslıhatynda.
Ákimniń aıtýynsha pandemııanyń saldarynan qurylys jumystary jospardan qalyp qalǵan.
«Biz bıyldyń ózinde qurylys jumystaryn aıaqtar edik. Biraq ókinishke qaraı pandemııanyń saldarynan shetelden kelýi tıis kóptegen qural ýaqytynda kelmeı qaldy. Naýryz meıramyna deıin aıaqtaımyz degen jospar bar. Bári jaqsy bolsa naýryz aıynda iske qosamyz», - dedi ákim.
Murat Áıtenov bul áýejaı SCAT kompanııasynyń ınvestıtsııalyq jobasy ekenin, ákimdik tek jer bólgenin jetkizdi.