Murat Ábenov jemqorlyqqa qarsy kúreste Grýzııa tájirıbesin aıtyp berdi
«Dostar» mádenıet saraıynda uıymdastyrylǵan sharaǵa oblys ákiminiń orynbasary N.Nurkenov, qoǵam qaıratkeri Murat Əbenov jəne "Birinshi jemqorlyqqa qarsy Medıa ortalyq" respýblıkalyq qoǵamdyq birlestiginiń ókilderi qatysty.
Forýmda sóz sóılegen Murat Əbenov Grýzııa eliniń jemqorlyqpen kúresýdegi tájirıbesimen bólisti.
"Grýzııada birneshe jyldan beri Parlamenttiń kúntərtibinde qaralatyn zań jobasyna qoǵamdyq monıtorıng júrgizip otyratyn arnaıy memlekettik organ jumys isteıdi. Mınıstrlikter men qoǵam ókilderi azamattarmen kezdesip, zań jobasyn talqylap otyrady", - dedi ol.
Al, Aqmola oblysy ákiminiń orynbasary N.Nurkenov óńirde 2015-2020 jyldarǵa arnalǵan jemqorlyqqa qarsy strategııany júzege asyrýdyń basty baǵyttary týraly aıtyp berdi.
Onyń sózinshe, óńirde jemqorlyq quqyq buzýshylyqty anyqtap, jolyn kesý baǵytynda aýqymdy sharalar júzege asyrylýda. Oǵan qosa, bıznes jəne turǵyndarmen jumys júrgizýde jemqorlyqqa jol ashatyn əkimshilik kedergilerdi azaıtý da qolǵa alynǵan.
Sonymen qatar, "Birinshi jemqorlyqqa qarsy Medıa ortalyq" respýblıkalyq qoǵamdyq birlestiginiń tóraǵasy Tólegen Baıǵulov jəne "Nur Otan" partııasynyń oblystyq fılıaly tóraǵasynyń birinshi orynbasary Ǵalym Bekmaǵambetov te óz oılarymen bólisti.
