Murat Ábenov: Ekologııa - bir ǵana mekemege júktelgen mindet emes
NUR-SULTAN. QazAqparat – «Serpin» ulttyq bilim jáne ınnovatsııa palatasynyń basshysy, Ulttyq qoǵamdyq senim keńesiniń múshesi Murat Ábenov balalardyń ekologııalyq bilimin kim jetildirýi kerek degen suraqqa qatysty pikirin bildirdi, dep habarlaıdy QazAqparat tilshisi.
«Balalardyń ekologııalyq bilimin kimder jetildirýi kerek? Osy másele boıynsha biz Memleket basshysynyń tapsyrmasynan keıin Bilim jáne ǵylym, Ekologııa, geologııa jáne tabıǵı resýrstar, Aqparat jáne qoǵamdyq damý mınıstrlikterimen birge onlaın pikir almaý uıymdastyrǵanbyz. Sol jerde baıqaǵanym, qoǵamda bul máseleni bir mınıstrlikke artyp qoımaı, bári de aınalysýy kerek. Máselen ekologııalyq mádenıetti qalyptastyrý – mádenıet salasynyń jumysy. Óndiris ekologııa talaptaryna saı atqarylýy kerek. Bul máselemen Bilim jáne ǵylym mınıstrligi de aınalysýy kerek. ıAǵnı barlyq mekeme bul jumysty birlese atqarýy kerek», - dedi Murat Ábenov Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha Ekologııa, geologııa jáne tabıǵı resýrstar mınıstrligi bul baǵytta birneshe joba bastaǵan.
«Máselen tabıǵı baqtardy iri kompanııalarǵa berý máselesin aıtaıyn. Biz ótkende Іle-Alataýyna bardyq. Maǵan unaǵany – Іle-Alataýynda meımandardy qabyldaıtyn «Vızıt-ortalyqtar» bar. Sol ortalyqtarda balalarǵa tabıǵattyń ereksheligin úıretedi: qaı jerde qandaı ósimdik ósip, qaı jerde qurt-qumyrsqa meken etetinin aıtady. Meniń oıymsha, sol jaqqa balalar birinshiden demalýǵa barady, ekinshiden sol demalysta júrip, ekologııalyq bilim alady», - deıdi ol.
