Murat Ábenov: Bul saılaý qazaq tiline degen suranystyń óskenin kórsetti

NUR-SULTAN. QazAqparat - «Amanat» azamattyq platformasynyń jetekshisi Murat Ábenov saılaý naýqany kezinde úgit-nasıhattyń qandaı tásilderi utymdy bolǵanyn atady», - dep habarlaıdy QazAqparat tilshisi.

Onyń aıtýynsha, saılaý aldyndaǵy úgit-nasıhat jumystary kezinde resmı sharalarǵa qaraǵanda beıresmı sharalar utymdy bolǵan.

«Áleýmettik jelini paıdalanǵandar utymdy jumys istep, kóp qoldaýshy tapty. Túrli jıyndar ótkizip, dástúrli tehnologııaǵa ıek artyp, ákimshilik resýrstarǵa sengenderden qaraǵanda solardyń jumysy tıimdi bolyp jatty. Biz sonyń bárin barynsha táýelsiz kózqaraspen taldaýǵa tyrystyq», - dedi Murat Ábenov.

Qoǵam belsendisi saılaý aldyndaǵy úgit jumystarynda burynǵy saılaýlarǵa qaraǵanda qazaq tiliniń úlesi basym bolǵanyn jetkizdi.

«El arasynda kanıdattar saılaýdan keıin bergen ýádelerin umytyp ketpese eken degen tilek kóp aıtyldy. Taǵy bir erekshe atap óterlik dúnıe, úgit-nasıhat jumystarynda qazaq tiliniń úlesi artqany anyq kórindi. Keıbir partııalar men uıymdar oǵan daıyn bolmaı shyqty. Munyń bári ásirese saılaý naýqanynyń aıaǵyna qaraı anyq baıqaldy»,- deıdi azamattyq platforma ókili.

Aıta keteıik, «Amanat» azamattyq platformasy saılaý kúnindegi jumystarynyń aralyq qorytyndysymen bólisken bolatyn.