Mýngııa Golovkın men Álimhanuly arasynda tańdaý jasady

NUR-SULTAN. QazAqparat - Birinshi orta sanattaǵy álemniń eks-chempıony Haıme Mýngııanyń qarsylasy atanýǵa orta salmaqtaǵy chempıon, qazaqstandyq Gennadıı Golovkınniń múmkindigi ekinshi otandasymyz Jánibek Álimhanulyna qaraǵanda anaǵurlym joǵary. Mundaı boljamdy Ringnews24.com sholýshysy Djeremaııa Preısser jasady. QazAqparat bul týraly VKontakte áleýmettik jelisindegi «Qazaqstannyń kásipqoı boksy» paraqshasyna silteme jasap habarlaıdy.

⠀

Ótken taıaý kúnderi H.Mýngııa amerıkalyq Dımıtrıýs Ballardty nokaýtpen jeńip, Golokınge qarsy rıngke shyǵý nıetin bildirdi. J.Álimhanuly da meksıkalyq panchermen kúsh synasqysy keletinin aıtyp, ony «jeńil jumys» dep atady. ⠀

«Meniń oıymsha, Adames nemese Golovkın (Mýngııanyń kelesi qarsylasy) bolady. Dál qazir Álimhanulymen aıqas – bul óte tómen syıaqy úshin qaýip-qateri joǵary jekpe-jek, al Charlomen varıant – ekitalaı. Golden Boy bárinen de Golovkındi qalap otyrǵanyna senimdimin», - dep jazdy Preısser.
⠀