Mundaı jumysty tek uly kóshbasshy eńseredi - Armenııa men Moldova prezıdentteri Nazarbaev jaıly

ASTANA. QazAqparat - Armenııa Respýblıkasynyń prezıdenti Armen Sarkısıan men Moldova Respýblıkasynyń prezıdenti Igor Dodon Qazaqstannyń Memleket basshysy Nursultan Nazarbaevtyń kóshbasshylyǵy men onyń atqarǵan jumysy týraly pikir bildirdi, dep habarlaıdy QazAqparat tilshisi.

«Habar» arnasyndaǵy Erlan Bekhojınniń «Uly dalanyń astanasy» atty derekti fılminde Armen Sarkısıan Qazaqstan memleketine, halqyna, tarıhy men mádenıetine, memlekettiń negizin qalaýshy Nursultan Ábishulyna, Qazaqstan sońǵy jyldary jetken jetistikteriniń barlyǵyna zor qurmetpen qaraıtynyn aıtady.

«Bul  emotsııalyq turǵydaǵy qurmet emes, shynaıy syılastyq. Sebebi, osy jyldarda Qazaqstan jetken jetistikterdi, tabystardy tilge tıek etsem, keıbir baǵyttarda sizder múmkin emes sharýalardy atqara bildińizder. Bul tek Astananyń kóshirilýi ǵana emes. Shynyna kelgende bul múmkin emes sharýa sekildi kóringen. Ony tek uly kóshbasshylar ǵana eńsere alady», - deıdi ol.

Óz kezeginde Moldova Respýblıkasynyń prezıdenti Igor Dodon áriptesiniń sózin qoldady.

«Sizderdiń elderińizdiń Prezıdenti óz tájirıbesine súıene otyryp, aldaǵy bir-eki qadamdy ǵana emes, ondaǵan jyldardy boljaı alady. Bastapqy kezeńde keıbireýler túsinbeıtin dúnıelerdi ýaqyt ótkennen keıin taldap otyrsań, adamdar «Mine, Prezıdent durys jasapty» dep, keıin uǵynyp otyrady», - deıdi Igor Dodon.

Aıta ketsek, Erlan Bekhojınniń «Uly dalanyń astanasy» atty derekti fılminde postkeńestik elderdiń basshylary Qazaqstan Prezıdenti Nursultan Nazarbaev pen Astana qalasy týraly óziniń oı-paıymdarymen bólisken.