Mundaı stılde oınap kórmeppiz — Ýels quramasynyń bapkeri Astanadaǵy oıyn týraly

ASTANA. KAZINFORM — Ýels ulttyq quramasynyń bas bapkeri Kreıg Bellamı Astanada Qazaqstan quramasyna qarsy ótken syrt alańdaǵy matchtan keıingi áserimen bólisti, dep habarlaıdy Kazinform tilshisi.

— Bul bastapqyda bizdiń oıyn jospary emes edi. Jańa oıynshylardyń alańdaǵy áreketterinen ózgeshelikti baıqaýǵa bolady. Match óte qıyn ótti, bizge únemi joǵary kontsentratsııada bolý qajet boldy. Búgingi oıyn biz úshin jańa tájirıbe boldy — buǵan deıin biz mundaı stılde oınamaǵan edik. Jankúıerlerge erekshe alǵys aıtqym keledi, olardyń qoldaýy bizge qatty kómektesti, — dedi Kreıg Bellamı matchtan keıingi baspasóz máslıhatynda.

Eske salaıyq, 2026 jylǵy álem chempıonatyna irikteý kezeńi aıasynda Qazaqstan quramasy «Astana Arenada» Ýels komandasyna 0:1 esebimen ese jiberdi.

Qazaqstan quramasy kelesi oıynyn 7 qyrkúıekte Brıýsselde Belgııa quramasyna qarsy ótkizedi.

Buǵan deıin Qazaqstan quramasynyń bas bapkeri Álı Álıev Ýelske qarsy oıyndaǵy jeńilistiń sebebin túsindirgen bolatyn.