«Mundaı sheshim qabyldaý ońaı emes» - «Tarazdyń» FK bas bapkeri qyzmetinen ketti
TARAZ. QazAqparat – Armenııalyq maman Vardan Mınasıan «Taraz» fýtbol klýbynyń bas bapkeri qyzmetinen ketti, - dep habarlaıdy QazAqparat tilshisi.
Bas bapkeri «Ordabasymen» ótken oıynnan keıin qyzmetinen ketken. Bul týraly klýbtyń baspasóz qyzmeti habarlaǵan.
«Mundaı sheshim qabyldaý ońaı emes. Maǵan «Taraz» klýbynda jumys isteýge múmkindik bergen jandarǵa alǵys aıtqym keledi. Sondaı-aq bizdi qoldap, komandamen birge bolǵan barlyq adal jankúıerlerimizge alǵysym sheksiz. Eń bastysy, oıynshylarymyzǵa alǵys aıtqandy jón kóremin. Olar jarady, bizdiń barlyq qıyndyqtarymyzǵa qaramastan, árqashan ózderin laıyqty túrde ustady. Barlyǵyńyzdy keremet bolashaq kútip tur, tek durys oılap, kóp jumys isteý kerek. Barshańyzǵa sáttilik!» - dedi armenııalyq mamannyń ózi.
Komandany aldaǵy oıyndarǵa Sergeı Tagıev daıyndaıtyn bolady.
Aıta keteıik, Vardan Mınasıan «Taraz»-ǵa deıin fýtboldan Armenııa ulttyq quramasyn jáne jergilikti «Pıýnık», «Ararat» fýtbol klýbtaryn jattyqtyrǵan.
