Mundaı seriktespen bári jumys istegisi keledi — reseılik sarapshynyń Qazaqstan týraly pikiri

ASTANA. KAZINFORM — Reseılik jazýshy Leonıd Mlechınniń pikirinshe, Qazaqstan Prezıdenti Ortalyq Azııadaǵy eń kórnekti ári alǵyr kóshbasshylardyń biri. Jibek Joly telearnasyna eksklıýzıvti suhbatynda ol Qasym-Jomart Toqaevtyń kúzdegi Beıjiń, Vashıngton jáne Máskeýge saparyn túsindirip, taldaý jasady.

Mlechınniń aıtýynsha, Qasym-Jomart Toqaev issaparǵa barǵan ár eldiń tilinde sóılesýi— buryn-sońdy bolmaǵan jaǵdaı.

Sarapshy Prezıdenttiń Donald Trampqa erekshe áser etkenin atady. Ózge meımandardyń arasynda Qazaqstan kóshbasshysyn erekshelegen de osy qasıeti ekenin alǵa tartty.

Reseılik sarapshy ásirese Astana men Pekın arasyndaǵy qarym-qatynasty jyly dep baǵalady jáne Qasym-Jomart Toqaev árdaıym ulttyq múddeni birinshi orynǵa qoıyp, alǵa jyljytatynyn aıtty.

— Basqa memleketterdiń jetekshileri olardyń aldynda óz elin ózgertip jatqan memleket basshysy turǵanyn aıqyn kóredi, túsinedi. Biz de kórip otyrmyz, saıası reformadan keıin ekonomıkalyq, áleýmettik reformalar da sátti júzege asyp jatyr. Álbette, basqa memleketterdiń de jetekshileri muny baıqap, qazaq eliniń órlep, jyldam qarqynmen damyp  kele jatqanyn ańǵaryp otyr. Mundaı seriktespen bári jumys istegisi keledi, — dedi Mlechın.

Eske sala keteıik, Prezıdent Qasym-Jomart Toqaev birden álemniń úsh iri astanasy— Pekın, Vashıngton jáne Máskeýge memlekettik saparmen barǵan bolatyn.

Prezıdenttiń AQSh-qa sapary qalaı ótkeni týraly Kazinform agenttiginiń analıtıkalyq sholý materıalynan oqyńyz.