Munaıshylar Atyraý jáne Mańǵystaý oblystarynyń soǵys ardagerleri men tyl eńbekkerlerine syı-sııapat jasady (FOTO)

ATYRAÝ. QazAqparat - Soltústik Kaspıı jobasynyń operatory «Nort Kaspıan Opereıtıng Kompanı» Atyraý jáne Mańǵystaý oblystarynyń Uly Otan soǵysy ardagerlerine konsortsıým tarapynan áleýmettik qoldaý kórsetetin sharalar toptamasyn uıymdastyrdy.

«Biz qymbatty ardagerlerimizge erlikteri úshin alǵys bildiremiz, soǵys kezinde qaza tapqan mıllıondaǵan adamdardyń aldynda basymyzdy ıemiz. Biz fashızmdi talqandap, úılerine jeńimpaz bolyp oralǵan jaýyngerlerimizdiń erlik isterin máńgi jadymyzda saqtaımyz», - dedi Atyraý qalasyndaǵy soǵys ardagerleri men tyl eńbekkerlerin Jeńis kúnimen quttyqtaǵan NKOK basqarýshy dırektory Stefan de Maıe.

Stefan de Maıe Atyraý oblystyq Ardagerler keńesiniń múshelerine árqaısysy 70 myń teńgeni quraıtyn 54 azyq-túlik kýpony men «Atyraý» shıpajaıyna 60 joldamany tabystady.

NKOK ókilderi Atyraý oblysynyń Maqat jáne Dossor kentterine baryp, ondaǵy soǵys ardagerleri men olardyń osy aýdanda turatyn týystaryna - Harkov túbinde soǵysqan Esbol Rysqalıuly Ońaıbaevqa jáne Uly Otan soǵysynyń ordenimen, Ýkraına, Belarýs jáne Baltyq mańyndaǵy shaıqastarda tanytqan erligi úshin 7 áskerı medalmen marapattalǵan Muhtar Erǵazıevtiń jesirine kýpondar tabystady. Esbol Rysqalıuly Ońaıbaev - Maqat aýdanynda Jeńistiń 70 jyldyq mereıtoıyn atap ótetin tiri qalǵan jalǵyz ardager.

Osyndaı sharalar Aqtaý qalasynda da ótti, onda konsortsıým ardagerlerge 45 azyq-túlik kýpondary men «Shaǵala» shıpajaıyna 50 joldamany tabystady.