Munaıshylar alyp kelgen sýdyń bir bóligin oblys ıgiligine qaıtardyq – Nurlan Noǵaev
«Memleket basshysynyń qabyldaýynda Mańǵystaý obylsynyń áleýmettik-ekonomıkalyq máseleleri týraly baıandama jasadym. ıAǵnı, bıyl jeti aıda atqarylǵan ister týraly málimet berdim. Mańǵystaý oblysyndaǵy ózekti máselelerdiń biri – halyqty aýyz sýmen, óndiris oryndaryn jalpy sýmen qamtamasyz etý. Bul jerde Astrahan-Mańǵyshlaq sý qubyry arqyly keletin jáne Aqtaý qalasyndaǵy sý tuşytý qondyrǵylary men jerasty sý tuşytý qondyrǵylarynan alatyn sý mamyr aıynan qyrkúıektiń sońyna deıin turǵyndardyń qajettiligin tolyq qamtamasyz etpeıtinin ataı otyryp, Prezıdenttiń byltyrǵy Mańǵystaý issapary kezinde bergen tapsyrmalary qalaı oryndalyp jatqany týraly baıandama jasadym», - dedi oblys ákimi.
Aımaq basshysy óndiriske alynyp kelgen sýdyń bir bóligin turǵyndar ıgiligine bosatýdyń múmkindigi týyǵanyn eske saldy.
«Qazirgi tańda Qarajambas ken orynynda táýligine 15 myń tekshe metr sý tuşytatyn qondyrǵy iske qosylyp, Astarhan-Mańǵyshlaq sý qubyrynan munaıshylar alyp otyrǵan 17 myń tekshe metr sýdyń 10 myń tekshesin Mańǵystaý oblysynyń ıgiligine alý máselesi sheshilgenin jetkizdim. Aqtaý qalasyndaǵy sý tuşytý zaýyty 20 myń tekshe metrlik qondyrǵyny iske qosý kerek bolatyn. Qazirgi tańda sonyń 5 myń tekshe metrin qostyq. Sonymen birge jeke kásipkerlerdiń ınvestıtsııalyq jobalaryn júzege asyrý barysynda jyldyń aıaǵyna deıin bul kólem ulǵaıatyny jóninde málimet berdim», - dedi ol.
Sondaı-aq óńir basshysy byltyrǵy qýańshylyq barysynda Prezıdent bergen tapsyrmalardyń qalaı oryndalǵany týraly da aıtty.
«Bıyl jaýǵan jańbyr biraz qoldaý kórsetti. Degenmen, mańǵystaýlyqtar oǵan toqmeıilsimeı, aldaǵy ýaqytqa qajet jemshóptiń qoryn daıyndap jatqany, sonyń ishinde kórshiles oblystardan jer alyp, shóp shaýyp jatqandary týraly da baıandadym.
Oblysty damytýdyń taǵy bir basym baǵyttarynyń biri – týrzım. Kaspıge kelip, shomylam deýshilerdiń, densaýlyǵyn túzegisi keletindermen birge qasıetti tarıhı jerlerge keletin basqa óńir azamattarynyń jáne alys-jaqyn sheshetelden keletin azamattardyń legi artqany jóninde de aqparat berdim. Prezıdent osy juystary ári qaraı da jalǵastyryp, oblystaǵy turaqty áleýmettik-ekonomıkalyq damýdy qamtamasyz etý týraly tapsyrma berdi»,- deıdi Mańǵystaý oblysynyń ákimi.
Vıdeodan alynǵan kadr/t.me/bort_01
