Munaıshylarymyz nege shetelge ketip jatyr: sarapshy basty sebebin atady
ASTANA. KAZINFORM — Munaıdan daıyn zat shyǵarýǵa umtylýymyz kerek. Mundaı pikirdi Aimaq podkastynda munaı-gaz sarapshysy Abzal Narymbetov bildirdi.
Onyń aıtýynsha, Qazaqstanda munaı óndirý salasynda jaqsy jetistikterge qol jetkizilgenimen tehnologııalardy damytý aqsap tur.
— Áli kúnge deıin negizgi shıkizat óndiretin elmiz. Munaıymyzdyń 70-80 paıyzy syrtqa ketedi, 20 paıyzyn ǵana ishte óndiremiz. Damyǵan elder munaıdy barynsha ishte óndirip, daıyn zat satýǵa qulshynady. Tyrysýymyz kerek, soǵan kele jatyrmyz. Menińshe, bálkim tehnologııa jaǵynan áli de qadamdar jasaý kerek shyǵar, — dedi ol.
Al Energy Monitoring qorynyń dırektory Nurlan Jumaǵulov Teńiz, Qashaǵan ken oryndarynan mol tájirıbe jınaǵan otandyq bilikti mamandardyń shetelge ketip jatqanyn aıtady. Sebebi Qazaqstanda jalaqyǵa qatysty shekteý bar.
— Eger belgili bir salada jalaqy ondaǵan myń dollar bolsa, mamandardyń sol kompanııalarda jumys isteýge umtylýy túsinikti. Mysaly, Saýd Arabııasynda 20–30 myń, tipti 50 myń dollar jalaqy usynsa, nege mamandar sonda barmasqa?! — dedi ol.
Buǵan deıin Teńiz ken ornyn ıgerýge nelikten sheteldikter tartylǵanyn jazǵan edik.
