Munaıshylar baı ma

ASTANA. KAZINFORM — Munaıshy dese, halyqtyń oıyna birden jalaqysy kóp adam elesteıdi. Al shyndyǵynda munaıshylar biz oılaǵandaı baı ma? Kazinform tilshisi sala mamanynan surap kórdi.

– Qansha aqsha alsań da, kóptik etpeıdi ǵoı. Biraq men óz qaǵıdamdy buza almaımyn. Mundaı máselelerdi jarııa qylmaımyn dep ýáde etkenmin. Bastysy – ózimizge jetkilikti, meniń kóńilim tolady, - deıdi Marat Baldanbaev.

Shymkent munaı óńdeý zaýytynyń qyzmetkeri jalaqyǵa jastardyń kóńili tolmaıtynyn jetkizdi.

– Jalaqyny áli de kóbeıtse jaqsy bolýshy edi. Sebebi jumysqa keletin jastardyń kóńili tolmaıdy. Aılyǵymyz az dep jumystan shyǵyp, odan jalaqysy kóp jumys taýyp alyp jatqandar da bar. Shetelge ketkenderi de qanshama. Qazir páter jaldap turý óte qıyn. Biraq men jastarǵa shydam kerek dep únemi aıtyp otyramyn, - deıdi ınjener-tehnolog.

Dúnıejúzindegi munaı qorynyń 2 paıyzy Qazaqstanda. Ol bolashaq úshin de jetkilikti. Bul týraly Shymkent munaı óńdeý zaýytynda 37 jyldan beri jumys isteıtin ardager munaıshy Kazinform tilshisine bergen suhbatynda aıtty.