Munaılyq emes bıýdjet túsimderi ósti - Qarjy mınıstri

ASTANA. QazAqparat - Parlament Májilisiniń jalpy otyrysynda QR Qarjy mınıstri Baqyt Sultanov «2017-2019 jyldarǵa arnalǵan respýblıkalyq bıýdjet týraly» zań jobasyn tanystyrý barysynda bıýdjet túsimderi ulǵaıtylǵanyn jetkizdi, dep habarlaıdy QazAqparat.

«2017-2019 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasy aǵymdaǵy jyldyń úshinshi toqsanynyń qorytyndysy boıynsha elimizdiń túzetilgen Áleýmettik ekonomıkalyq damý boljamy negizinde ázirlendi.Tehnıkalyq kómek kórsetý rásimderin toqtata turý týraly Qyrǵyz Respýblıkasynyń bastamasyn eskere otyryp, jumys toby men Qarjy jáne bıýdjet komıtetiniń keńeıtilgen otyrysynda zań jobasyna tıisti túzetýler engizý týraly usynys qoldaý tapty. Naqtylap aıtqanda, bıýdjet shyǵystary men tapshylyǵyn 14,1 mlrd teńgege qysqartý usynyldy», - dedi B. Sultanov.

Atalǵan túzetýler nátıjesinde aǵymdaǵy jyldyń bıýdjetiniń negizgi parametrleriniń birqatar kórsetkishteri ózgerdi, ıaǵnı bıýdjet túsimderi 62,9 mlrd teńgege ulǵaıyp, 9 trln 691,5 mlrd teńgege jetti.  Olardyń ishinde: munaılyq emes túsimder josparǵa qaraǵanda

77,9 mlrd teńgege ósip, 4 trln 497,2 mlrd teńgeni; munaı túsimderi 14,9 mlrd teńgege tómendep, 5 trln 194,2 mlrd teńgeni qurady.

Mınıstrdiń sózine qaraǵanda, bıýdjet shyǵystary 1 mlrd teńgege ulǵaıyp, 11 trln 177,4 mlrd teńgege jetti. Al bıýdjet tapshylyǵy 62 mlrd teńgege tómendep, 1 trln 485,9 mlrd teńgeni nemese jalpy ishki ónimge 2,9 paıyzdy qurady. Bul ekonomıkalyq odaq aıasynda qabyldanǵan baǵdarlarǵa jáne kelesi orta merzimdi kezeńge qurylǵan jańa ekonomıkalyq saıasatqa sáıkes keledi.