Munaıly jáne Qaraqııa aýdandaryndaǵy aýyz sý tapshylyǵy: Jumys toby quryldy
Óńir ákimdiginiń baspasóz qyzmetinen málim etkendeı, sársenbi kúni oblys basshysy Nurlan Noǵaev Munaıly jáne Qaraqııa aýdandaryn aýyz sýmen úzdiksiz qamtamasyz etý máselesi jóninde keńes ótkizdi.
Oblys ákimi atalǵan eki aýdan ákimdikteriniń bul baǵytta qajetti jumys atqarmaı otyrǵanyn atap ótti.
Mańǵystaý oblysy ákimdiginiń málimetine súıensek, «Kaspıı» sý tushytý zaýyty» JShS jazǵy kezeńde jalpy qýaty táýligine 25 myń tekshe metr aýyz sý óndiredi. Onyń ishinde táýligine 12,2 myń tekshe metr aýyz sý Munaıly, Qaraqııa jáne Túpqaraǵan aýdandarynyń turǵyndaryna beriledi. Alaıda, Munaıly jáne Qaraqııa aýdandaryna beriletin aýyz sý kólemi tómendetilip otyr. Buǵan sýdy tazartý jáne tushytý tsehtaryndaǵy súzgilerdiń tunba jáne qummen qatty bitelip qalýy sebep.
Qazirgi tańda zaýyttan Qaraqııa aýdanyna táýligine 1100 tekshe metr kóleminde aýyz sý jetkizilse, onyń táýligine 700 tekshe metri qabyldanýda. Munaıly aýdanyna táýligine 5600 tekshe metr aýyz sý beriledi, al onyń táýligine 3300 tekshe metri alynady.
ıAǵnı, sýmen jabdyqtaý jelilerinde sý shyǵyny bar. Osyǵan oraı, atalǵan máseleni anyqtap, joıý úshin jumys toby quryldy.
Nurlan Noǵaev jaýapty tulǵalarǵa birqatar naqty tapsyrma berdi.
«Qazirgi tańda keıbir turǵyndarǵa sý kólikpen jetkiziledi. Bulaı másele sheshilmeıdi. Ózderińizdi sýsyz qalǵan turǵyndardyń ornyna qoıyp kórińizder. Ne ister edińizder? Bul sý jeke tutynýǵa da, turmystyq qajettilikke de jetpeıdi. Osyǵan baılanysty turǵyn úı-kommýnaldyq sharýashylyq bólimine, «Kaspıı tuşytý zaýytyna», «MAEK» JShS-ǵa, sondaı-aq Munaıly jáne Qaraqııa aýdandarynyń ákimderine bul máseleni birlese otyryp, jumys tobynyń quramymen tez arada sheshýdi tapsyramyn», - dedi Nurlan Noǵaev.