Munaıgaz jáne energetıka kesheniniń 80-ge jýyq iri sýbektisi prezıdenttik saılaýdyń ótýin qoldaıdy

ASTANA. QazAqparat - Munaıgaz jáne energetıka kesheniniń 80-ge jýyq iri sýbektisin biriktiretin «KAZENERGY» jáne Qazaqstan energetıka qaýymdastyqtary, sonyń ishinde QMG, KEGOC, QazTransOıl jáne «Samuryq Energo» ulttyq kompanııalary atynan 2015 jyly prezıdent saılaýyn ótkizý týraly bastamaǵa qoldaý bildiredi

Búgin Ortalyq kommýnıkatsııalar qyzmetinde ótken brıfıngte «KAZENERGY» qazaqstandyq munaıgaz jáne energetıka kesheni uıymdarynyń qaýymdastyǵy» ZTB Bas dırektory Áset Maǵaýov osylaı málim etti.

"Táýelsizdik jyldarynda Qazaqstan bolashaqqa senimmen qaraýǵa múmkindik beretin qomaqty energetıkalyq áleýet, adamı kapıtal jáne ǵylymı ınnovatsııalardy óristete otyryp, joǵary qarqynmen damydy. Alaıda, álemdegi daǵdarys qubylystarynyń ósýine baılanysty Qazaqstan kómirsýtekke suranystyń tómendeýi sııaqty birqatar syn-qaterlerge ushyrasyp otyr. Elbasymyzdyń dana saıasaty Qazaqstannyń turaqty ekonomıkalyq damýyn qamtamasyz etýde. Eldiń ár jerinde jańa kásiporyndar ashylýda, jańa jumys oryndary qurylýda, memleket shaǵyn jáne orta bızneske qoldaý kórsetip otyr. Daǵdarysqa qarymy aýqymdy baǵdarlama iske asyrylýda. Otandyq bıznes EAEO sheńerinde belsendi jumys isteýde. Osynyń barlyǵy bizdiń Elbasynyń kóregendi, ári salıqaly saıasatynyń arqasynda iske asyrylýda", - delingen qaýymdastyqtyń birlesken málimdemesinde.

"2015 jyly prezıdent saılaýyn ótkizý Qazaqstanǵa turaqtylyqty, ári qaraı órkendeýin qamtamasyz etetinine jáne Qazaqstannyń álemniń damyǵan 30 eli qataryna kirýine tabysty faktor bolatynyna senimdimiz", - dep atap ótti atalmysh málimdemeni oqyp shyqqan Á. Maǵaýov.