Munaıgaz salasynyń ǵylymı-zertteý ınstıtýttaryn uzaqmerzimdi qarjylandyrýmen qamtamasyz etý qajet - E.Ogaı
sp;ASTANA. Qarashanyń 30-y. QazAqparat /Marlan Jıembaı/ - Munaıgaz salasynyń ǵylymı-zertteý ınstıtýttaryn uzaqmerzimdi qarjylandyrýmen qamtamasyz etý qajet.
Bul pikirdi búgin elordada ótip jatqan KazEnergy qaýymdastyǵy Úılestirý keńesiniń otyrysynda tehnıka ǵylymynyń doktory Evgenıı Ogaı aıtty, dep habarlaıdy QazAqparat.
Onyń aıtýynsha, munaı óndirýdi 20-dan 40 paıyzǵa joǵarylatý qosymsha qarjy salmaı-aq jylyna munaı kólemin 200-250 mıllıon tonnaǵa deıin arttyrýǵa múmkindik beredi. Qazaqstandyq munaı óndirýshi kompanııalardaǵy tehnologııalardyń artta qalýynyń saldarynan paıdalanylyp otyrǵan ken oryndaryndaǵy munaıdyń óndirilýi tómen. Sondyqtan qazaqstandyq ǵylymı-zertteý ınstıtýttarynyń zertteýleri uzaqmerzimdi qarjylandyrýmen qamtamasyz etilse, onda olar 3-5 jyldyń ishinde munaı óndirýdi arttyrý boıynsha usynystar jasap shyǵa alady.
«Qazaqstanda qoıý munaıdyń qory mıllıard tonnadan astam dep baǵalanady. Demek elimizge qazirgi zamanǵy zerthana qajet. Óıtkeni qazirgi ýaqytta munaıdyń barlyq zertteý jumystary shet elderde júrgizilip keledi», dedi E.Ogaı
Úılestirý keńesiniń jumysyna QR Parlament Májilisiniń, QR Energetıka jáne mıneraldyq resýrstar jáne Qorshaǵan ortany qorǵaý mınıstrlikteriniń, Álemdik bank jáne iri jer qoınaýyn paıdalantyn «QazMunaıGaz» UK» AQ, «Teńizshevroıl» JShS, « «QazMunaıGaz Barlaý Óndirý» AQ, «QazMunaıGaz» Saýda úıi» AQ, Shell Kazakhstan Development B.V., Lukoil Overseas Service Ltd., «Qazaqstandyq munaı jáne gaz ınstıtýty» AQ, «Olympex Advisers» JShS, Karachaganak Petroleum Operating B.V. kompanııalardyń ókilderi qatysýda.
«KazEnergy» Qazaqstan munaıgaz jáne energetıka kesheni uıymdarynyń qaýymdastyǵy» zańdy tulǵalar birlestigi 2005 jyly qarashanyń 2-inde munaı-gaz, energetıkalyq sektor kompanııalary men memlekettik organdar jáne qoǵam arasyndaǵy dıalogty damytý, áleýmettik yntalardyń tıimdiligin arttyrý maqsatynda, sonymen qatar Qazaqstannyń janar-jaǵarmaı jáne energetıkalyq sektory tıimdiliginiń jańa deńgeıin uıymdastyrý úrdisin tezdetý maqsatynda qurylǵan.
