Munaıǵa jatpaıtyn taýarlardyń eksporty ósedi - UB
«Qazaqstannyń 2025 jylǵa deıingi ulttyq damý josparynyń maqsattaryna sáıkes, shıkizatqa jatpaıtyn eksportty ulǵaıtý jáne ımportqa táýeldilikti tómendetý boljamdy kezeń ishinde tólem balansynyń aǵymdaǵy shotynyń tapshylyǵyn qysqartýǵa ári 2026 jyly ishki jalpy ónimge (+)1,9%-ǵa deıin profıtsıt aımaǵyna aýysýǵa yqpal etetin bolady. Taýarlar eksportynyń 2026 jyly 80 mlrd AQSh dollaryna deıin kezeń-kezeńmen ósýi kútilýde. Munaı eksportynyń ósýi 2023 jyldyń ortasynan bastap munaı óndirý kóleminiń ulǵaıýymen qamtamasyz etiletin bolady», - dedi E. Dosaev.
Onyń aıtýynsha, álemdik suranystyń birtindep qalpyna kelýi, metall baǵasynyń boljamdy ósýi jáne shıkizatqa jatpaıtyn eksportty ulǵaıtý saldarynan munaıǵa jatpaıtyn eksport ósedi.
«Taýarlar ımporty halyq pen bıznestiń tólem jasaýǵa qabiletti suranysynyń ósýine, sondaı-aq iri ınvestıtsııalyq jobalardy iske asyrýǵa baılanysty qalypty deńgeıdi ustap otyrady. Úkimet, Ulttyq bank jáne Qarjy naryǵyn retteý jáne damytý agenttigi arasyndaǵy 2021-2023 jyldarǵa arnalǵan úshjaqty kelisim aıasynda iske asyrylatyn ımportqa táýeldilikti azaıtý jónindegi sharalar 2026 jyly ımporttyń 43,4 mlrd AQSh dollaryna deıin qalypty ósýine yqpal etetin bolady», - dedi UB basshysy.