Munaıǵa eksporttyq baj salyǵy 1 tamyzdan bastap 2,9 paıyzǵa ulǵaıady
ASTANA. 19 shilde. QazAqparat - 2013 jylǵy 1 tamyzdan bastap shıki munaıǵa eksporttyq baj salyǵy tonnasyna 10,6 dollarǵa nemese 2,9 paıyzǵa - ıaǵnı, shildedegi tonnasyna 369,2 dollardan 379,8 dollarǵa ulǵaıady, dep habarlady RBK.
Shyǵys Sibir kenishterinen, LÝKOIL-dyń Kaspııdegi eki kenishinen, sondaı-aq Gazpromnyń Prırazlom kenishinen munaıǵa eksporttyq baj salyǵynyń jeńildikti mólsherlemesi 2013 jylǵy 1 tamyzdan bastap budan burynǵy aıdaǵy tonnasyna 172,9 dollardan 180,8 dollarǵa kóteriledi. Munaıdyń jalpy kóleminen 10 paıyz mólsherinde belgilengen qoıýlyǵy joǵary jabysqaq munaıǵa jeńildetilgen baj salyǵy 1 tamyzdan bastap, shildedegi tonnasyna 36,9 dollardan 37,9 dollarǵa jetedi. Sonymen qatar benzın men kómirsýtekti suıytylǵan gazdyń da baj salyǵy arta túspek.
Munaıǵa eksporttyq baj salyǵynyń mólsherlemesin ókiletti organ - RF ekonomıkalyq damý mınıstrligi RF Úkimeti belgilegen forýmýla boıynsha esepteıdi. Bul tártip 2013 jylǵy 1 sáýirden kúshine engen «Keden tarıfi týraly» zańǵa túzetýlerge sáıkes jasalyp otyr.
