Munaıdyń tómen baǵasynan tankerler ıeleri paıda kóredi
ASTANA. QazAqparat - Munaıdyń tómen baǵasynan munaı tankerleriniń ıeleri rekordtyq kiris alýda, dep habarlady RIA Novostı Financial Times basylymyna silteme jasap.
Basylym málimetterine qaraǵanda, Taıaý Shyǵys pen Azııa arasyndaǵy jolbaǵytta sýpertankerler ıeleri kúnine 97,5 myń dollar paıda tabýda - bul 2008 jyldan bergi eń joǵary deńgeı.
Financial Times tanker salasynyń gúldenýi Úndistanǵa, sondaı-aq óziniń strategııalyq rezerterin arttyra túsip otyrǵan Qytaıǵa arzandaǵan munaı jetkiziliminiń ósýimen baılanystyrady.
Sonymen qatar, basylymnyń túsindirýinshe, bolashaq jetkizilimderge kelisim-sharttardyń quny spottyq baǵalardan asyp túsýde. Mundaı jaǵdaı saqtaý naryǵynda alasapyran týǵyzdy: treıderler munaıdy tankerlerde saqtaý úshin satyp alýda jáne keıinirek satý kezinde tabysqa jetýge úmit etýde.
Munaıdyń álemdik baǵasy ótken jyldyń jazynan beri quldyrady. Sarapshylar muny naryqtaǵy suranystyń kóptigimen baılanystyrady. OPEK elderiniń 27 qarashadaǵy munaı óndirý kvotasyn kúnine 30 mıllıon barrel deńgeıinde saqtaý jónindegi sheshimi baǵanyń quldyraýyn kúsheıte tústi.
