Munaıdyń tógilýin joıý úshin munaı óndirýshi alpaýyttar $1 mlrd. jumsaıdy
ASTANA. Shildeniń 22-si. QazAqparat - Exxon Mobil Corp, Royal Dutch Shell, ConocoPhillips jáne Chevron Corp sekildi álemdegi iri munaı kompanııalary Meksıka shyǵanaǵy úshin munaı tógilýin joıý jónindegi jańa júıeni jasaýǵa 1 mıllıard dollar kóleminde qarjy ınvestıtsııalaýǵa kelisti, dep habarlaıdy EnergoNıýs.
Álemdegi iri munaı krmpanııalary qurǵaly jatqan jańa júıe 3 myń metr tereńdikte jumys jasaıtyn bolady, bul VR brıtandyq munaı kompanııasy basqaratyn Meksıka shyǵanaǵyndaǵy Deepwater Horizon tuǵyryndaǵy apat saldarynan Macondo uńǵysynan munaı tógilgen jerden eki esege deıin tereń.
Aldyn ala esep boıynsha, júıe kún saıyn 100 myń barrelge deıin (16 mıllıon lıtr) jınaýǵa qabiletti, dep habarlaıdy jobaǵa qatysýshy-kompanııa ókilderi.
Júıeniń jınaqylyǵy ony bar bolǵany 24 saǵat ishinde iske qosýǵa múmkindik beredi. Ol aýa raıynyń qubylmaly mezgilinde de jumys jasaýǵa arnalǵan.
